Stan čatyroch čałaviek, jakija paciarpieli ŭčora padčas nadzvyčajnaha zdareńnia na «Biełaruśkalii», stabilna ciažki
U Balnicy chutkaj miedycynskaj dapamohi Minska prajšoŭ Respublikanski kansilium. U im brali ŭdzieł načalnik hałoŭnaha ŭpraŭleńnia arhanizacyi mieddapamohi Minzdaroŭja Leanid Niedzień, hałoŭny doktar balnicy Volha Śviatlickaja, namieśnika hałoŭnaha doktara pa chirurhii Alaksiej Žydkoŭ, śpiecyjalisty apiokavaj reanimacyi, kambustyjołahi i chirurhi.
Padčas kansiliumu śpiecyjalisty vyznačyli taktyku dalejšaha lačeńnia čatyroch paciarpiełych padčas incydentu na «Biełaruśkalii». Uviečary 31 kastryčnika ich pieravieźli z Salihorskaj CRB, paviedamlaje Minzdaroŭja.
Stan usich čatyroch pacyjentaŭ aceńvajecca jak stabilna ciažki. U dvuch paciarpiełych ciažkaja inhalacyjnaja traŭma, im pravodzicca ŠVŁ, u dvuch — adznačajecca niaznačnaje palapšeńnie.
Supracoŭniki Respublikanskaha apiokavaha centra vykarystoŭvajuć roznyja sučasnyja mietodyki dla lačeńnia padobnych traŭmaŭ, akazvajuć usiu nieabchodnuju miedycynskuju dapamohu.
U piatnicu na 4‑m rudaŭpraŭleńni «Biełaruśkalija» adbyŭsia razryŭ pustoj jomistaści z-pad salanaj kisłaty. Była paškodžana susiedniaja jomistaść z salanaj kisłatoj, adbyłasia ŭciečka. Paciarpieli čatyry čałavieki: maładaja žančyna i troje mužčyn. Dvum pacyjentam praviali apieracyi da pieravozki ŭ Minsk.
-
Biełaruskaja fitnes-trenierka dva hady pakutavała ad nieviadomaj chvaroby. Zdajecca, jana znajšła adkaz — ale ad jaho nie lahčej
-
Naradžajecca mienš dziaciej, bo prablemaj stała začać. Voś što vyjavili apošnija daśledavańni, asabliva mužčynskaha zdaroŭja
-
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary
[Zredahavana]