Кіраўнік МУС Літвы: Краіна гатова прапусціць захраслыя грузавікі праз Салечнікі — Беняконі
Міністр унутраных спраў Уладзіслаў Кандратовіч сцвярджае, што будуць прадпрынятыя намаганні па забеспячэнні пропуску грузавікоў з Беларусі ў Літву праз пункт пропуску «Салечнікі» (з беларускага боку «Беняконі»), піша Delfi.lt.
«Вялікая група (транспартных сродкаў) знаходзіцца ля тэрмінала пункта пропуску «Салечнікі». (…) Там каля 500 транспартных сродкаў. Мы лічым, што можам пачаць прапускаць іх праз гэты пункт пропуску, бо яны не могуць паехаць у іншае месца. Там ёсць і кіроўцы, і прычэпы», — паведаміў Кандратовіч.
Міністр нагадаў, што Мінск прыняў рашэнне аб забароне руху літоўскіх грузавікоў па тэрыторыі Беларусі. У сувязі з гэтым, па словах Кандратовіча, разглядаецца магчымасць звароту да беларускіх уладаў для інфармавання літоўскіх перавозчыкаў аб магчымасці вяртання ў Літву праз памежны пункт «Салечнікі».
«На тэхнічным узроўні мы, хутчэй за ўсё, праз нашых памежных упаўнаважаных перадамо паведамленне аб магчымасці выкарыстання Салечнікаў менавіта для такога транспарту. Паглядзім, як адрэагуе Беларусь», — сказаў міністр.
Па словах Кандратовіча, чакаецца дасягненне пагаднення з Беларуссю аб пропуску транспартных сродкаў, якія знаходзяцца ў нейтральнай зоне ў раёне пункта пропуску «Салечнікі».
«Калі будзе дасягнута дамоўленасць аб тым, што будуць праязджаць менавіта тыя транспартныя сродкі, якія фактычна знаходзяцца ў нейтральнай зоне, (…) мы абавязкова будзем рухацца далей, а там паглядзім», — растлумачыў міністр.
-
РІА Навіны выдаліла тэкст пра вайну з Літвой. Бо «не адпавядае дзяржаўнай палітыцы»
-
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»
-
Рэнтген-лабарантку з 38‑гадовым медыцынскім стажам адправілі ў калонію за палітыку
Цяпер чытаюць
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка12
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі77
Каментары
Ненавіжу лукашэнку, але тут спадзяюся ён не пойдзе на такія саступкі. Не лукашэнка гэтая межы пазакрываў. А то вунь якія яны разумныя! Мяжу адкрываць яны не будуць, а іх фуры Беларусь мусіць выпускаць. Кукіш вам!