Kiraŭnik MUS Litvy: Kraina hatova prapuścić zachrasłyja hruzaviki praz Salečniki — Bieniakoni
Ministr unutranych spraŭ Uładzisłaŭ Kandratovič śćviardžaje, što buduć pradpryniatyja namahańni pa zabieśpiačeńni propusku hruzavikoŭ ź Biełarusi ŭ Litvu praz punkt propusku «Salečniki» (ź biełaruskaha boku «Bieniakoni»), piša Delfi.lt.
«Vialikaja hrupa (transpartnych srodkaŭ) znachodzicca la terminała punkta propusku «Salečniki». (…) Tam kala 500 transpartnych srodkaŭ. My ličym, što možam pačać prapuskać ich praz hety punkt propusku, bo jany nie mohuć pajechać u inšaje miesca. Tam jość i kiroŭcy, i pryčepy», — paviedamiŭ Kandratovič.
Ministr nahadaŭ, što Minsk pryniaŭ rašeńnie ab zabaronie ruchu litoŭskich hruzavikoŭ pa terytoryi Biełarusi. U suviazi z hetym, pa słovach Kandratoviča, razhladajecca mahčymaść zvarotu da biełaruskich uładaŭ dla infarmavańnia litoŭskich pieravozčykaŭ ab mahčymaści viartańnia ŭ Litvu praz pamiežny punkt «Salečniki».
«Na techničnym uzroŭni my, chutčej za ŭsio, praz našych pamiežnych upaŭnavažanych pieradamo paviedamleńnie ab mahčymaści vykarystańnia Salečnikaŭ mienavita dla takoha transpartu. Pahladzim, jak adreahuje Biełaruś», — skazaŭ ministr.
Pa słovach Kandratoviča, čakajecca dasiahnieńnie pahadnieńnia ź Biełaruśsiu ab propusku transpartnych srodkaŭ, jakija znachodziacca ŭ niejtralnaj zonie ŭ rajonie punkta propusku «Salečniki».
«Kali budzie dasiahnuta damoŭlenaść ab tym, što buduć prajazdžać mienavita tyja transpartnyja srodki, jakija faktyčna znachodziacca ŭ niejtralnaj zonie, (…) my abaviazkova budziem ruchacca dalej, a tam pahladzim», — rastłumačyŭ ministr.
-
«Na jakuju chaleru piacizorkavy hatel, kali ja mahu pastavić namiot na ŭźbiarežžy akijana?» Biełarus pieššu padarožničaje pa śviecie
-
Minsk pahražaje Kijevu «dziejańniami ŭ adkaz» paśla zdareńnia z aŭtobusam u Branskaj vobłaści
-
«Handlar zbrojaj Siarych moh vykraści Kotava, kab zdać jaho biełaruskim śpiecsłužbam i zasłužyć uvahu Łukašenki» — Stanisłaŭ Ivaškievič
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Nienavižu łukašenku, ale tut spadziajusia jon nie pojdzie na takija sastupki. Nie łukašenka hetaja miežy pazakryvaŭ. A to vuń jakija jany razumnyja! Miažu adkryvać jany nie buduć, a ich fury Biełaruś musić vypuskać. Kukiš vam!