«Байсол» выплаціў усе грошы са збору на палітвязняў, вызваленых 11 верасня
Каманда «Байсол» завяршыла экстранны цыкл падтрымкі. Дапамогу атрымаў 31 палітвязень.
Адзін з заяўнікаў адмовіўся ад выплаты і папрасіў, каб гэтыя сродкі перадалі іншым, паведаміў фонд і дадаў, што да канца года чакаюць заяўкі ад вызваленых палітвязняў з іншым грамадзянствам, што былі вызваленыя 11 верасня і прыехалі разам з гэтай групай беларусаў.
Калі такіх зваротаў не будзе, астатняя сума будзе размеркаваная паміж тымі, хто ўжо атрымаў дапамогу.
Нагадаем, што 11 верасня быў вызвалены і дэпартаваны ў Літву 51 палітвязень, а Мікола Статкевіч адмовіўся пакідаць краіну.
У той жа вечар, 11 верасня, «Байсол» абвясціў экстранны збор на падтрымку палітвязняў, першапачаткова прадугледжвалася сабраць 50 тысяч еўра з разліку тысяча на чалавека. Гэтая сума была сабраная за тры гадзіны і збор працягнуўся, у выніку было сабрана каля 115 тысяч еўра.
Учора «Байсол» абвясціў пра калядны збор для дзяцей палітвязняў.
Сёлета чакаецца больш за 200 заявак, і мэта кампаніі — сабраць 20 000 еўра, што дазволіць выплаціць па 100 еўра на кожнае дзіця.
За суткі сабрана пакуль усяго 325 еўра.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары