Кітайца ў Беларусі здзівілі венікі ў лазні і тое, што мы п'ём халодную ваду
А яшчэ хлопец навучыўся гатаваць галубцы.
Для кітайца Яга Беларусь стала першай замежнай краінай, у якой ён пабываў. А пасля хлопец паступіў у Мінску ва Універсітэт замежных моў, піша «Мінская праўда».
Яга прыляцеў у Беларусь паўтара года таму. Ён захапляецца беларусамі:
«Беларусы — вельмі простыя і добрыя людзі. Іх не хвалюе, што пра іх думаюць іншыя, для іх не важна, багатыя яны ці не, але іхняе жыццё ад гэтага не становіцца менш насычаным. Мне вельмі падабаюцца адносіны беларускага народа да жыцця».
Пра нашу краіну кітаец даведаўся дзякуючы беларускім прыяцелям у інтэрнэце.
Першы раз ён прыязджаў турыстам і пражыў у Беларусі месяц. Пасля гэтага вырашыў вучыць рускую мову. Хлопец паспеў пабываць у Мазыры, дзе жыве яго былая дзяўчына.
Яга сустракаў славян у Кітаі і падзяліўся сваім уражаннем:
«Я заўважыў, што яны вельмі прыгожыя, высокага росту і вельмі ветлівыя. Многія кітайцы лічаць, што Беларусь і Расія — гэта адна краіна. Такога ж меркавання і мае знаёмыя».
На пытанне пра адрозненні паміж беларускімі і кітайскімі сем'ямі Яга адказвае:
«Я думаю, што беларускія і кітайскія сем'і досыць моцна адрозніваюцца. У Кітаі вельмі важныя сямейныя повязі: на сняданак і вячэру ўсе абавязкова збіраюцца разам. У беларускіх сем'ях я не назіраў такой традыцыі — магчыма, гэта сустракаецца, але я проста не бачыў».
У Беларусі Яга палюбіў лазню.
«Я ўпершыню даведаўся пра тое, што ў вас людзі ў лазні б'юць адзін аднаго венікамі, — з усмешкай адзначыў ён і дадаў: — У нас у Кітаі такога няма».
Яшчэ адным адкрыццём для яго стала тое, што беларусы п'юць халодную ваду.
«Кітайцы аддаюць перавагу гарачай вадзе, бо лічаць гэта карысным для здароўя», — адзначае Яго.
Ён каштаваў у нас боршч, галубцы і шашлык. І нават навучыўся рабіць галубцы сам.
«Яны мне вельмі падабаюцца, і я часам сам гатую галубцы. Гэта проста неверагодна смачна!» — усклікае Яга.
Хлопец разважае, што калі ў яго тут будуць перспектывы для развіцця, то можа застацца.
«Беларусь, я цябе кахаю!» — сказаў кітаец па-беларуску.
-
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
-
«У 2015‑м выйграў $10 тысяч». Беларусы ўзгадваюць, як і колькі выйгравалі ў латарэі
-
Бразілец прадаў усю маёмасць і праехаў 2000 кіламетраў дзеля жанчыны. Але яго чакала жорсткае расчараванне
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
А китаец (ли?) подозрительно стереотипный: славяне - высокие, красивые, подобные богам; беларусы - неамбициозные дауншифтеры.