Прэм'ер-міністр Славакі Робэрт Фіца заявіў, што не падтрымае прапанову аб выдачы Украіне рэпарацыйнай пазыкі за кошт замарожаных расійскіх актываў, калі гэтыя сродкі будуць ісці на ваенныя патрэбы.
Роберт Фіца. Фота: AP Photo / Denes Erdos
Фіца накіраваў афіцыйны ліст у Еўрапейскую раду, дзе напісаў, што на пасяджэнні лідараў ЕС будзе блакаваць любыя пастановы, якія прадугледжваюць фінансаванне вайсковых патрэб Украіны на наступныя два гады.
«Я выразна і адназначна выказваю сваю пазіцыю адносна ваеннага канфлікту ва Украіне. Гэты канфлікт не мае ваеннага рашэння. Стратэгія ЕС па канфлікце з'яўляецца няправільнай і неэфектыўнай, а працяг вайны з'яўляецца толькі бессэнсоўным забойствам без умацавання пазіцыі Украіны ў выпадку мірных перамоваў.
Я ні пры якіх умовах не падтрымаю ніякага рашэння аб фінансаванні ваенных патрэб Украіны, у якім павінна была б удзельнічаць Славацкая Рэспубліка. У той жа час я паважаю суверэннае права кожнай дзяржавы-члена ЕС прымаць рашэнні па гэтым пытанні», — сказаў Фіца.
Раней лідары сямі краін-членаў ЕС напісалі ліст у Еўракамісію і Еўрапейскую раду з заклікам выкарыстаць замарожаныя расійскія актывы для выдачы Украіне рэпарацыйнай пазыкі.
Фіца патлумачыў нязгоды з гэтым сваёй «мірнай палітыкай», якая не дазваляе галасаваць за вылучэнне дзясяткаў мільярдаў еўра на вайну.
Фіца лічыць, што выкарыстанне замарожаных расійскіх актываў для абаронных патрэб Украіны можа пагражаць планам ЗША выкарыстаць гэтыя рэсурсы для пасляваеннага аднаўлення Украіны.
Прэм'ер Славакіі прыгадаў Украіне таксама карупцыйныя скандалы.
Пры гэтым ён адзначыў, што Славакія прыняла 200 тысяч уцекачоў з Украіны і ён падтрымлівае ўступленне Украіны ў ЕС, але расце колькасць тых, хто не верыць у хуткасць такога кроку.
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары