Premjer-ministr Słavaki Robert Fica zajaviŭ, što nie padtrymaje prapanovu ab vydačy Ukrainie reparacyjnaj pazyki za košt zamarožanych rasijskich aktyvaŭ, kali hetyja srodki buduć iści na vajennyja patreby.
Robiert Fica. Fota: AP Photo / Denes Erdos
Fica nakiravaŭ aficyjny list u Jeŭrapiejskuju radu, dzie napisaŭ, što na pasiadžeńni lidaraŭ ES budzie błakavać lubyja pastanovy, jakija praduhledžvajuć finansavańnie vajskovych patreb Ukrainy na nastupnyja dva hady.
«Ja vyrazna i adnaznačna vykazvaju svaju pazicyju adnosna vajennaha kanfliktu va Ukrainie. Hety kanflikt nie maje vajennaha rašeńnia. Stratehija ES pa kanflikcie źjaŭlajecca niapravilnaj i nieefiektyŭnaj, a praciah vajny źjaŭlajecca tolki biessensoŭnym zabojstvam biez umacavańnia pazicyi Ukrainy ŭ vypadku mirnych pieramovaŭ.
Ja ni pry jakich umovach nie padtrymaju nijakaha rašeńnia ab finansavańni vajennych patreb Ukrainy, u jakim pavinna była b udzielničać Słavackaja Respublika. U toj ža čas ja pavažaju suvierennaje prava kožnaj dziaržavy-člena ES prymać rašeńni pa hetym pytańni», — skazaŭ Fica.
Raniej lidary siami krain-členaŭ ES napisali list u Jeŭrakamisiju i Jeŭrapiejskuju radu z zaklikam vykarystać zamarožanyja rasijskija aktyvy dla vydačy Ukrainie reparacyjnaj pazyki.
Fica patłumačyŭ niazhody z hetym svajoj «mirnaj palitykaj», jakaja nie dazvalaje hałasavać za vyłučeńnie dziasiatkaŭ miljardaŭ jeŭra na vajnu.
Fica ličyć, što vykarystańnie zamarožanych rasijskich aktyvaŭ dla abaronnych patreb Ukrainy moža pahražać płanam ZŠA vykarystać hetyja resursy dla paślavajennaha adnaŭleńnia Ukrainy.
Premjer Słavakii pryhadaŭ Ukrainie taksama karupcyjnyja skandały.
Pry hetym jon adznačyŭ, što Słavakija pryniała 200 tysiač uciekačoŭ z Ukrainy i jon padtrymlivaje ŭstupleńnie Ukrainy ŭ ES, ale raście kolkaść tych, chto nie vieryć u chutkaść takoha kroku.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary