У выніку доўгіх перамоў у Бруселі лідары ЕС вырашылі выдзеліць пакет дапамогі Украіне памерам 90 млрд еўра, пры гэтым замарожаныя расійскія актывы для гэтага выкарыстоўвацца не будуць.
Першапачаткова выдаткі лягуць на краіны ЕС. Bild тлумачыць, чаму ў ЕС не наважыліся выкарыстоўваць расійскія актывы.
Кампанія Euroclear, якая кіруе большай часткай замарожаных расійскіх актываў, базуецца ў Бельгіі. Прэм’ер-міністр Барт дэ Вевер баіцца шматмільярдных рызык для сваёй краіны. Ён запатрабаваў неабмежаваных гарантый ад іншых краін-членаў ЕС на выпадак, калі Расія звярнецца ў суд. Аднак ніхто не пажадаў даваць такія гарантыі.
Усяго за дзень да перамоў у Бруселі канцлер Фрыдрых Мерц падкрэсліваў, што дапамога Украіне павінна фінансавацца за кошт расійскіх актываў. Цяпер ён заявіў, што «змяніўся толькі парадак». Паводле слоў Мерца, ЕС цяпер «прадастаўляе аванс» у выглядзе крэдыту Украіне, але ён па-ранейшаму будзе забяспечаны расійскімі актывамі.
Украіна павінна будзе вярнуць грошы ЕС толькі ў выпадку, калі атрымае рэпарацыі ад Расіі. Калі гэтага не адбудзецца, ЕС пакідае за сабой права выкарыстоўваць замарожаныя расійскія актывы для гэтай мэты. Паводле даных ЕС, Украіне спатрэбіцца прыкладна 135 мільярдаў еўра на працягу наступных двух гадоў.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу5
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары