Čamu ŭłady ES nie stali kanfiskoŭvać zamarožanyja rasijskija aktyvy?
U vyniku doŭhich pieramoŭ u Brusieli lidary ES vyrašyli vydzielić pakiet dapamohi Ukrainie pamieram 90 młrd jeŭra, pry hetym zamarožanyja rasijskija aktyvy dla hetaha vykarystoŭvacca nie buduć.
Pieršapačatkova vydatki lahuć na krainy ES. Bild tłumačyć, čamu ŭ ES nie navažylisia vykarystoŭvać rasijskija aktyvy.
Kampanija Euroclear, jakaja kiruje bolšaj častkaj zamarožanych rasijskich aktyvaŭ, bazujecca ŭ Bielhii. Premjer-ministr Bart de Vievier baicca šmatmiljardnych ryzyk dla svajoj krainy. Jon zapatrabavaŭ nieabmiežavanych harantyj ad inšych krain-členaŭ ES na vypadak, kali Rasija źviarniecca ŭ sud. Adnak nichto nie pažadaŭ davać takija harantyi.
Usiaho za dzień da pieramoŭ u Brusieli kancler Frydrych Mierc padkreślivaŭ, što dapamoha Ukrainie pavinna finansavacca za košt rasijskich aktyvaŭ. Ciapier jon zajaviŭ, što «źmianiŭsia tolki paradak». Pavodle słoŭ Mierca, ES ciapier «pradastaŭlaje avans» u vyhladzie kredytu Ukrainie, ale jon pa-raniejšamu budzie zabiaśpiečany rasijskimi aktyvami.
Ukraina pavinna budzie viarnuć hrošy ES tolki ŭ vypadku, kali atrymaje reparacyi ad Rasii. Kali hetaha nie adbudziecca, ES pakidaje za saboj prava vykarystoŭvać zamarožanyja rasijskija aktyvy dla hetaj mety. Pavodle danych ES, Ukrainie spatrebicca prykładna 135 miljardaŭ jeŭra na praciahu nastupnych dvuch hadoŭ.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary