Рэдкая з'ява — цэны аўтобусных білетаў у Літву знізіліся. З'явіліся і новыя рэйсы ў Польшчу
Якія цяпер цэны аўтобусных квіткоў у Вільню і Варшаву?
Цэны на аўтобусы ў Вільню пайшлі ўніз
Дабрацца з Мінска ў Вільню і Коўна стала танней. Адразу два перавозчыкі знізілі цэны квіткоў са 180 да 160 рублёў па маршруце Мінск — Іўе — Вільня і з 240 да 210 рублёў за паездку да Коўна, вынікае з інфармацыі сэрвісу Atlasbus.
У Ecolines таксама новыя цэны. Дабрацца з Вільні ў Мінск можна за 49 еўра (каля 167 рублёў) і нават з 14‑працэнтнай зніжкай — за 42 еўра (каля 143 рублёў).
Нагадаем, што ў жніўні 2025 года цэны білетаў з Мінска да Вільні выраслі да 250 рублёў.
Што да іншых кірункаў, то цэны Atlasbus выглядаюць так: Гродна — Вільня — 180 рублёў, Ліда — Вільня — 165 рублёў.
Што на польскім кірунку?
Дабрацца з Мінска да Варшавы можна за 125‑150 рублёў. Большасць аўтобусаў едзе праз Брэст, але ёсць і тыя, што едуць праз Бераставіцу. Да Беластока едуць праз Бераставіцу, квіткі каштуюць па 140 рублёў.
З Гродна да Варшавы можна дабрацца за 130 рублёў, а да Беластока — за 100 рублёў. Ад пачатку новага года рэйсаў з Гродна стала больш. На пастаяннай аснове пачалі курсаваць яшчэ два прамыя рэйсы Гродна — Варшава з заездам у Беласток. Адпраўленне з Гродна а 7:30 і 15:30, з Варшавы — а 16:50 і 22:30.
З Брэста да Варшавы можна даехаць за 100—105 рублёў.
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары
З аднаго боку гэта супер, а з другога боку драць 250 рублёў на Каляды і навагоднія святы гэта значыць наўмысна абдзіраць людзей, якія хочуць святкаваць са сваімі роднымі, са сваёй сям'ёй. Сорамна так рабіць.
Дальше автобус из Вильни аж до Таллина можно за 10-15 евро купить с бесплатным кофе и видаком.