Цэны на аўтобусныя білеты з Мінска ў Вільню імкліва падскочылі за дзень
Яшчэ нядаўна дабрацца з беларускай сталіцы ў літоўскую можна было за 190 рублёў. Колькі каштуе цяпер?
На беларускім сэрвісе па продажы білетаў atlasbus.by квіткі на аўтобус з Мінска ў Вільню цяпер каштуюць ад 250 рублёў, хоць яшчэ ўчора былі па 220 рублёў, а на мінулым тыдні — па 190 рублёў.
Бліжэйшая дата выезду, на якую можна набыць білет, — 22 жніўня. Квіткі ў зваротным кірунку каштуюць ад 200 рублёў, а бліжэйшая дата выезду на 14 жніўня.
Перавозчык Ecolines таксама падняў цэны. Калі ў аўторак білеты былі па 65 еўра, то ад сёння ўжо па 75 еўра (каля 260 рублёў).
Бліжэйшыя білеты з Вільні ёсць на 14 жніўня, з Мінска — на 22 жніўня.
У Ecolines цэны на білеты аднолькавыя незалежна ад кірунку.
У Eurolines квіткі каштуюць ад 63 да 72 еўра (220-250 рублёў).
Бліжэйшыя квіткі на выезд з Мінска ёсць на 22 жніўня, а з Вільні ў Мінск — на 20 жніўня.
Пасля вымушанай адмены 75% рэйсаў па гэтым кірунку, літоўскі перавозчык Eurolines паставіў на маршрут Вільня — Мінск двухпавярховыя аўтобусы.
Цяпер чытаюць
Гэтая беларуская інстазорка дайшла да Playboy — але, у адрозненне ад многіх, не спынілася7
Каментары
за кіфірчыкам зганяу́ , адпачываю