Пад Барселонай сышоў з рэек цягнік, загінуў машыніст, дзясяткі людзей паранены
У выніку крушэння прыгараднага цягніка недалёка ад Барселоны загінуў машыніст, прынамсі 37 чалавек атрымалі раненні. Гэта ўжо трэці выпадак у Іспаніі за апошнія дні.
Паводле звестак мясцовых уладаў, у аўторак увечары цягнік кампаніі Rodalies сутыкнуўся з падпорнай сцяной, якая абрынулася на чыгунцы паміж Жэлідай і Сан-Садурні ў Каталоніі, прыкладна за 35 км на захад ад Барселоны.
Мясцовая пажарная служба паведаміла, што да месца здарэння былі накіраваны 35 брыгад, і адзін пасажыр, заблакаваны ў цягніку, быў выратаваны.
Пазней пажарная служба ўдакладніла, што ўнутры цягніка нікога не засталося, і выратавальныя брыгады абследуюць тэрыторыю ў раёне здарэння, каб выключыць іншых пацярпелых.
Службы экстраннай дапамогі паведамілі, што частка параненых была эвакуіравана ў размешчаныя непадалёк бальніцы Мойзес Броджы, Бельвітжэ і Віла-Франка.
З 37 пацярпелых пяць чалавек атрымалі сур'ёзныя траўмы, яшчэ шэсць знаходзяцца ў менш цяжкім стане, а 26 — у стане «лёгкай цяжкасці», паведамілі ў службе хуткай дапамогі.
Катастрофа адбылося на фоне моцных штормаў, якія абрынуліся на паўночны ўсход Іспаніі.
Многія прыбярэжныя раёны на ўсходзе і паўночным захадзе Іспаніі знаходзяцца ў стане павышанай гатоўнасці з-за непагадзі, якая таксама закранула іспанскія Пірэнеі, дзе прайшлі снегапады, і востраў Мальёрку, на ўзбярэжжа якога абрынуліся штормы, якія выклікалі хвалі вышынёй некалькі метраў.
Рух спынены
У аўторак на прыгараднай чыгунцы на паўночны ўсход ад Барселоны таксама сышоў з рэек яшчэ адзін цягнік.
«У вось урэзаўся камень, выкінуты штормам», — гаворыцца ў заяве кампаніі-аператара чыгуначнай сеткі Adif. Цягнік ішоў паміж Бланесам і Масанет-Масанесам. Пра пацярпелых не паведамляецца, рух цягнікоў прыпынены.
Паводле даных іспанскай газеты El Pais, каля 400 000 пасажыраў, як чакаецца, застануцца без чыгуначнага злучэння ў сераду раніцай.
Рух цягнікоў па ўсёй прыгараднай чыгуначнай сетцы Rodalies цалкам прыпынены на час правядзення праверак бяспекі.
Чакаецца, што пасля праверак аператары чыгунак сустрэнуцца з уладамі.
Аварыі ў Каталоніі адбыліся праз два дні пасля сутыкнення двух хуткасных цягнікоў у Адамузе, Андалусія, — найбуйнейшай чыгуначнай катастрофы ў Іспаніі за больш чым дзесяцігоддзе.
Прынамсі 42 чалавекі загінулі пасля таго, як вагоны цягніка, які ішоў з Малагі ў Мадрыд, сышлі з рэек, выехалі на сустрэчныя рэйкі і сутыкнуліся з сустрэчным хуткасным цягніком недалёка ад горада Кордава на поўдні Іспаніі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары10
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
>на чыгуначныя шляхі – на ПУЦІ
>цалкам прыпынены – ПОЎНАСЦЮ прыпынены
>на прыгарадных чыгуначных шляхах – на ПУЦЯХ
>Па меншай меры 42 - сама меней/як найменей
>выехалі на сустрэчныя шляхі – на ПУЦІ[Рэд. — Дзякуй, выправiлi]
[Зрэдагавана]