Цягніковаму дыспетчару, арыштаванаму за карупцыю, дадалі абвінавачанне ў «здрадзе дзяржаве»
Справа Андрэя Гаўрылюка, цягніковага дыспетчара ўчастка Мінск-вузел, атрымала новы сур’ёзны паварот. Затрыманаму яшчэ ў лістападзе 2025 года супрацоўніку Цэнтра кіравання перавозкамі, акрамя ранейшых абвінавачванняў у карупцыі і перавышэнні паўнамоцтваў, цяпер інкрымінуюць здраду дзяржаве, даведалася Супольнасць чыгуначнікаў Беларусі.
Паводле неафіцыйнай інфармацыі, першапачатковай прычынай цікавасці сілавікоў да асобы Андрэя Гаўрылюка стала магчымае дачыненне дыспетчара да маштабнай кантрабанды тытуню. Сцвярджаецца, што ён мог арганізоўваць незапланаваныя спыненні транзітных цягнікоў на абыходзе Мінска, каб саўдзельнікі маглі таемна загружаць цыгарэты ў вагоны і кантэйнеры, якія накіроўваліся ў Польшчу.
Пасля трох месяцаў знаходжання ў СІЗА КДБ статус справы значна абцяжарыўся. Новае абвінавачванне па артыкуле 356 Крымінальнага кодэкса з’яўляецца надзвычай суровым: яно тычыцца шпіянажу ці іншага аказання дапамогі замежнай дзяржаве на шкоду нацыянальнай бяспецы. Для службовых асоб санкцыі па гэтым артыкуле пасля нядаўніх змен у заканадаўстве прадугледжваюць пакаранне аж да смяротнай кары.
Варта адзначыць, што першапачаткова інкрымінаваныя Гаўрылюку маніпуляцыі з графікам руху цягнікоў практычна немагчыма ажыццявіць незаўважна для кіраўніцтва змены ці ўсёй службы перавозак.
Цяпер чытаюць
«Бяда, на вялікі жаль, ужо ступае на парог Сінявокай». Ультыматум Зяленскага Лукашэнку: што будзе далей?71
Каментары