Сямікласніка падманулі тэлефонныя махляры. Яны паведамілі, нібыта не могуць датэлефанавацца да бацькоў, і папрасілі дзіця назваць код з SMS-паведамлення.
Пасля гэтага яны запалохалі яго і прымусілі таемна вынесці на вуліцу 22 тысячы даляраў і дзевяць тысяч рублёў, якія мама і тата адкладалі на кватэру, паведамляе «Міліцыя Мінска».
Школьнік паклаў грошы ў пакет і пакінуў іх на снезе каля ўваходу ў падвал, пасля чаго пайшоў на ўрокі.
Аператыўнікі крымінальнага вышуку ўстанавілі, што па заданні тэлефонных махляроў гэтыя грошы забраў 57‑гадовы жыхар Асіповічаў. Ён таксама стаў ахвярай ашуканцаў.
Паверыўшы, што зламыснікі аформілі на яго імя крэдыт, ён узяў тры пазыкі на 40 тысяч рублёў. У банках яго неаднаразова папярэджвалі пра махлярства, але мужчына запэўніваў касіраў, што бярэ грошы на будаўніцтва.
Пазней ён склаў купюры ў два канверты, бо ў адзін яны не змяшчаліся, і перадаў іх ашуканцам. Пасля гэтага мужчына прыехаў у Мінск і забраў грошы ў трох мінчан, у тым ліку ў сям’і школьніка. Усю суму ён паспеў перадаць наступнаму кур’еру махляроў.
Распачатыя крымінальныя справы.
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі15
Каментары