Канькабежка з Нідэрландаў прыляцела на Алімпіяду прыватным джэтам, заваявала золата і стала сэкс-сімвалам Гульняў
27‑гадовая нідэрландская канькабежка Юта Лердам стала адной з галоўных зорак зімовай Алімпіяды ў Італіі. Яна заваявала золата на дыстанцыі 1000 метраў, пацвердзіўшы свой статус адной з наймацнейшых спрынтарак свету. Але абмяркоўваюць яе не толькі з-за вынікаў на лёдзе.
Юта Лердам нарадзілася ў канцы 1998 года ў невялікім гарадку на поўдні Нідэрландаў. У дзяцінстве яна займалася рознымі відамі спорту, напрыклад, гуляла ў хакей на траве. Аднак у 11 гадоў зрабіла выбар на карысць канькабежнага спорту — і даволі хутка стала адной з самых перспектыўных юніёрак краіны.
Першым вялікім поспехам стала золата чэмпіянату свету сярод юніёраў у 2017 годзе. Затым Лердам паступова замацавалася ў дарослым спорце. Яна спецыялізуецца на дыстанцыях 500 і 1000 метраў, але менавіта кіламетр стаў яе кароннай дысцыплінай.
На яе рахунку — пяць залатых медалёў чэмпіянатаў свету на асобных дыстанцыях і золата ў спрынтарскім мнагабор’і, а таксама срэбра і тры бронзавыя ўзнагароды сусветных першынстваў. На Алімпіядзе-2022 у Пекіне яна заваявала срэбра на дыстанцыі 1000 метраў.
Трэнерам Юты з’яўляецца ўраджэнец Харкава Канстанцін Палтавец, які раней доўгія гады працаваў з нацыянальнай зборнай Расіі, а з 2020 года перайшоў да трэніровак нідэрландскіх спрынтараў.
Сэкс-сімвал і медыйная зорка
Акрамя спартыўных дасягненняў, Юта Лердам з’яўляецца адной з самых папулярных канькабежак у свеце: колькасць яе падпісчыкаў у Instagram перавышае 5 мільёнаў.
Такая публічнасць зрабіла яе адной з самых абмяркоўваных постацяў на гэтых Гульнях. Як піша The Guardian, у Мілане яна фактычна ігнаруе традыцыйныя медыя, аддаючы перавагу непасрэдным зносінам з прыхільнікамі праз уласныя каналы. Лердам звыкла дзейнічаць на ўласных умовах.
Па-за межамі катка яна дэманструе незвычайную шчырасць, адкрыта абмяркоўваючы ў сваіх сацсетках пытанні менструальнага цыкла і праблемы з вагой, з якімі сутыкнулася ў падлеткавым узросце. Паводле слоў былых спартсменаў і трэнераў, такія размовы дапамаглі зняць табу з тэм, якія ў элітным спорце доўгі час заставаліся непублічнымі.
Раман з Джэйкам Полам
Дадатковую ўвагу да яе прыцягваюць адносіны з амерыканскім блогерам і баксёрам Джэйкам Полам.
Пол — адзін з самых вядомых інтэрнэт-інфлюэнсераў ЗША. Ён праславіўся на платформе Vine, пазней стаў зоркай YouTube, а затым пачаў кар’еру ў прафесійным боксе. Яго баі збіраюць мільённыя аўдыторыі, а сам ён вядомы правакацыйнымі выказваннямі і ўменнем прыцягваць увагу.
Пра адносіны Лердам і Пола стала вядома ў 2023 годзе. Пара не хавае раман, разам з’яўляецца на публічных мерапрыемствах. З Полам Юта прыляцела на Алімпіяду ў Італію на прыватным самалёце, дзе зладзіла невялікую вечарыну з сябрамі. Цырымонію адкрыцця Гульняў Лердам пры гэтым прапусціла.
Нягледзячы на ўсе абмеркаванні, галоўны адказ крытыкам Лердам дала на лёдзе. Залаты медаль на 1000 метраў паказаў, што яна застаецца ў першую чаргу атлеткай найвышэйшага ўзроўню.
І пакуль сацсеткі абмяркоўваюць яе знешнасць, стыль жыцця і раман з амерыканскай зоркай, сама Юта працягвае рабіць тое, што ў яе атрымліваецца лепш за ўсё — бегчы хутчэй за ўсіх.
Амерыканскі фігурыст выканаў на Алімпіядзе элемент, які 50 гадоў быў забаронены, — за яго не даюць балаў, але гледачы ў захапленні ВІДЭА
Украінец будзе змагацца за «шлем памяці» на Алімпіядзе. Хто на ім — поўны спіс
Адзін трэнер працуе на Алімпіядзе адразу з 16‑цю фігурыстамі з 13‑ці краін. Толькі паспявай пераапранацца
Цяпер чытаюць
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары
Увогуле да п.рашутто вялікі спорт алімпіяды чэмпіянаты спартоўцы іх дасягнення )))
Аб алімпіядзе з НН даведался і аб гэтай дзеўке таксама
Прыгожая ))) яшчэ і на каньках бегае і на..лыжах таксама баксер сведка