Апакаліпсіс у Тэгеране: пасля ўдараў па нафтабазах на горад выпаў кіслотны дождж
Пасля начных удараў ізраільскай авіяцыі па нафтасховішчах неба над Тэгеранам зацягнула непраглядным таксічным дымам. Раніцай на горад абрынуліся чорныя ападкі, насычаныя нафтапрадуктамі і сажай, якія мясцовыя службы прызналі смяротна небяспечнымі.
У нядзелю, 8 сакавіка 2026 года, густы чорны дым цалкам закрыў неба над сталіцай Ірана пасля серыі начных удараў ізраільскай і амерыканскай авіяцыі па ключавых нафтасховішчах.
Мясцовыя жыхары апісваюць сітуацыю як апакаліптычную: сонца не было бачна нават пасля світанку, а на вуліцы горада выпаў чорны дождж, насычаны нафтапрадуктамі і сажай.
It is raining oil in Tehran this morning after major airstrikes on oil facilities in the South and West of the Iranian capital. @CNN @cnni pic.twitter.com/2FBD9EnO9p
Іранскае таварыства Чырвонага Паўмесяца выступіла з экстраннымі рэкамендацыямі, заклікаўшы гараджан не выходзіць на вуліцу і не ўключаць кандыцыянеры, каб таксічныя часціцы не патрапілі ў дамы.
Асаблівую небяспеку ўяўляе кіслотны дождж, які ўтварыўся з-за выкіду велізарнай колькасці аксідаў серы і азоту. Медыкі раяць паласкаць горла салёнай вадой, каб ачысціць яго ад масляністай сажы, і насіць маскі, калі выхад на паветра непазбежны.
Ізраільскі бок заяўляе, што нафтабазы былі законнымі ваеннымі цэлямі, паколькі праз іх забяспечвалася палівам вайсковая інфраструктура рэжыму.
«Кайлас, я іду». Што за беларуска знікла ў жудасным селі ў Непале6
Каментары