Apakalipsis u Tehieranie: paśla ŭdaraŭ pa naftabazach na horad vypaŭ kisłotny doždž
Paśla načnych udaraŭ izrailskaj avijacyi pa naftaschoviščach nieba nad Tehieranam zaciahnuła nieprahladnym taksičnym dymam. Ranicaj na horad abrynulisia čornyja apadki, nasyčanyja naftapraduktami i sažaj, jakija miascovyja słužby pryznali śmiarotna niebiaśpiečnymi.
U niadzielu, 8 sakavika 2026 hoda, husty čorny dym całkam zakryŭ nieba nad stalicaj Irana paśla sieryi načnych udaraŭ izrailskaj i amierykanskaj avijacyi pa klučavych naftaschoviščach.
Miascovyja žychary apisvajuć situacyju jak apakaliptyčnuju: sonca nie było bačna navat paśla śvitanku, a na vulicy horada vypaŭ čorny doždž, nasyčany naftapraduktami i sažaj.
It is raining oil in Tehran this morning after major airstrikes on oil facilities in the South and West of the Iranian capital. @CNN @cnni pic.twitter.com/2FBD9EnO9p
Iranskaje tavarystva Čyrvonaha Paŭmiesiaca vystupiła z ekstrannymi rekamiendacyjami, zaklikaŭšy haradžan nie vychodzić na vulicu i nie ŭklučać kandycyjaniery, kab taksičnyja čaścicy nie patrapili ŭ damy.
Asablivuju niebiaśpieku ŭjaŭlaje kisłotny doždž, jaki ŭtvaryŭsia z-za vykidu vielizarnaj kolkaści aksidaŭ siery i azotu. Miedyki rajać pałaskać horła salonaj vadoj, kab ačyścić jaho ad maślanistaj sažy, i nasić maski, kali vychad na pavietra niepaźbiežny.
Izrailski bok zajaŭlaje, što naftabazy byli zakonnymi vajennymi celami, pakolki praź ich zabiaśpiečvałasia palivam vajskovaja infrastruktura režymu.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary