Што рабіць з кнігамі, якія трапілі ў спіс забароненых у Беларусі? Адказалі ў Мінінфармацыі
Сёння ў спісе забароненай беларускімі ўладамі 241 кніга. На СТБ спыталі, што з імі рабіць, калі кніга ў хатняй бібліятэцы.
Беларускія ўлады называюць забароненыя кнігі «здольнымі нанесці шкоду нацыянальным інтарэсам». Там цяпер 241 назва — толькі ў канцы лютага Міністэрства інфармацыі папоўніла спіс 16 кнігамі.
На СТБ узнялі пытанне, што рабіць з кнігамі, якія трапілі ў пералік забароненых, але іх купілі раней: «Бібліятэкі здымуць іх з паліц, інтэрнэт-гандаль перастане прадаваць. А як быць з экзэмплярамі на асабістых паліцах людзей?»
Вось што адказаў намеснік міністра інфармацыі Дзяніс Язерскі:
«Калі кніга ў чалавека ўжо набыта, напрыклад, да трапляння ў спіс, у нас забаронена яе распаўсюджваць. То-бок ты не маеш права гэтую кнігу прадаць, перадаць, падарыць. Гэта будзе парушэннем заканадаўства», — сказаў ён.
Як расказалі на СТБ, камісія, якая забараняе кнігі, збіраецца не радзей 1 разу за два месяцы. У складзе камісіі адмыслоўцы з розных абласцей: ад псіхолагаў да крыміналістаў.
Але прозвішчы членаў камісіі, якая прымае рашэнні, у адкрытым доступе не знайсці, кажа карэспандэнтка.
Дзяніс Язерскі, намеснік міністра інфармацыі Беларусі, дадае, што ў сярэднім у камісіі на разглядзе «дзесьці да 40 кніг», якія «ў працэсе маніторынгу» выяўляюцца. «І ў сярэднім дзесьці да 30 кніг мы вымушаныя забараняць да распаўсюджвання», — кажа ён.
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?5
Каментары