Što rabić z knihami, jakija trapili ŭ śpis zabaronienych u Biełarusi? Adkazali ŭ Mininfarmacyi
Siońnia ŭ śpisie zabaronienaj biełaruskimi ŭładami 241 kniha. Na STB spytali, što ź imi rabić, kali kniha ŭ chatniaj biblijatecy.
Biełaruskija ŭłady nazyvajuć zabaronienyja knihi «zdolnymi nanieści škodu nacyjanalnym intaresam». Tam ciapier 241 nazva — tolki ŭ kancy lutaha Ministerstva infarmacyi papoŭniła śpis 16 knihami.
Na STB uźniali pytańnie, što rabić z knihami, jakija trapili ŭ pieralik zabaronienych, ale ich kupili raniej: «Biblijateki zdymuć ich z palic, internet-handal pierastanie pradavać. A jak być z ekzemplarami na asabistych palicach ludziej?»
Voś što adkazaŭ namieśnik ministra infarmacyi Dzianis Jazierski:
«Kali kniha ŭ čałavieka ŭžo nabyta, naprykład, da traplańnia ŭ śpis, u nas zabaroniena jaje raspaŭsiudžvać. To-bok ty nie maješ prava hetuju knihu pradać, pieradać, padaryć. Heta budzie parušeńniem zakanadaŭstva», — skazaŭ jon.
Jak raskazali na STB, kamisija, jakaja zabaraniaje knihi, źbirajecca nie radziej 1 razu za dva miesiacy. U składzie kamisii admysłoŭcy z roznych abłaściej: ad psichołahaŭ da kryminalistaŭ.
Ale proźviščy členaŭ kamisii, jakaja prymaje rašeńni, u adkrytym dostupie nie znajści, kaža karespandentka.
Dzianis Jazierski, namieśnik ministra infarmacyi Biełarusi, dadaje, što ŭ siarednim u kamisii na razhladzie «dzieści da 40 knih», jakija «ŭ pracesie manitorynhu» vyjaŭlajucca. «I ŭ siarednim dzieści da 30 knih my vymušanyja zabaraniać da raspaŭsiudžvańnia», — kaža jon.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu8
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary