«Тое, чаго ў сацсетках няма цяпер». Як жыхар Слуцка адзначыў свой дзень народзінаў і стаў зоркай Threads
У свеце пастановачных фота з чорнай ікрой і мар пра люксавае жыццё карыстальнікаў Threads заваяваў імяніннік са Слуцка. Яго максімальна просты пост пра святочную вячэру з бацькамі выклікаў хвалю настальгіі і захаплення, набраўшы 18 тысяч лайкаў.
Карыстальнік Аляксей Ніцікенка з нікам alex_nikit11 апублікаваў фотасправаздачу са свайго дня нараджэння ў адной з устаноў Слуцка.
На здымках — сам імяніннік у ружовай кашулі, на стале — запечаная бульба з мясам, салат «Цэзар» і безалкагольны глінтвейн.
Гэтая адсутнасць пафасу настолькі парадавала людзей, што трэд імгненна стаў вірусным. Каментатары адзначаюць, што такія «лямпавыя» фота нагадваюць ранні Instagram, калі людзі дзяліліся жыццём, а не стваралі ідэальную карцінку.
Чытачы ахрысцілі гэты трэд «месцам для псіхалагічнага аднаўлення».
«Так прыемна бачыць вось такія простыя і сапраўдныя фота. А не гэтыя пастановачныя «Мы тут чорную ікру на сняданак на круасаны мажам».
«У гэтай галінцы я буду псіхалагічна аднаўляцца».
«Што, я нават хаміць не буду??? Віншую! Фоткі як з 90-х».
«Астравок чалавечнасці ў гэтым таксічным дадатку) З мінулым, братан, здароўя тваім бацькам!»
«Гэта самыя смачныя месцы, вось такія прыкольныя рэстараны, я адказваю!!!»
«Гэтая галінка павінна патрапіць у спіс прычын, чаму людзі маюць будучыню».
«З днём нараджэння! Штосьці на звычайным і хатнім, прыемна глядзець!»
«Ведаеце, у такіх галінак Threads вайб інстаграма, калі ён толькі нараджаўся. Вось я, вось мая нага) Вельмі лямпава, проста фоткі з душой, нічога лішняга. Тое, чаго ў сацсетках няма цяпер…»
«Чаму ўсе добрыя, простыя пасты з Беларусі? Там усе класныя, ці што?»
Але нехта зрабіў імянінніку альтэрнатыўнае віртуальнае свята, як яно шмат у каго выглядае ў сетках.
Сам віноўнік урачыстасці адказаў каментатарам: «Я люблю ўсё простае, нескладанае, няпафаснае».
Ён таксама распісаў бюджэт свята: агулам за ўсе стравы — салаты, два віды стэйкаў, бульбу і напоі — заплацілі 151 рубель.
-
Дарослыя ўсё часцей купляюць цацкі для сябе, а дзяцей нараджаюць усё менш. Што адбываецца?
-
Касаткі навучыліся паляваць на вялікіх белых акул і здабываць іх печань. Навукоўцы занепакоеныя наступствамі
-
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары