«Toje, čaho ŭ sacsietkach niama ciapier». Jak žychar Słucka adznačyŭ svoj dzień narodzinaŭ i staŭ zorkaj Threads
U śviecie pastanovačnych fota z čornaj ikroj i mar pra luksavaje žyćcio karystalnikaŭ Threads zavajavaŭ imianińnik sa Słucka. Jaho maksimalna prosty post pra śviatočnuju viačeru z baćkami vyklikaŭ chvalu nastalhii i zachapleńnia, nabraŭšy 18 tysiač łajkaŭ.
Karystalnik Alaksiej Nicikienka ź nikam alex_nikit11 apublikavaŭ fotaspravazdaču sa svajho dnia naradžeńnia ŭ adnoj z ustanoŭ Słucka.
Na zdymkach — sam imianińnik u ružovaj kašuli, na stale — zapiečanaja bulba ź miasam, sałat «Cezar» i biezałkaholny hlintviejn.
Hetaja adsutnaść pafasu nastolki paradavała ludziej, što tred imhnienna staŭ virusnym. Kamientatary adznačajuć, što takija «lampavyja» fota nahadvajuć rańni Instagram, kali ludzi dzialilisia žyćciom, a nie stvarali idealnuju karcinku.
Čytačy achryścili hety tred «miescam dla psichałahičnaha adnaŭleńnia».
«Tak pryjemna bačyć voś takija prostyja i sapraŭdnyja fota. A nie hetyja pastanovačnyja «My tut čornuju ikru na śniadanak na kruasany mažam».
«U hetaj halincy ja budu psichałahična adnaŭlacca».
«Što, ja navat chamić nie budu??? Vinšuju! Fotki jak z 90-ch».
«Astravok čałaviečnaści ŭ hetym taksičnym dadatku) Ź minułym, bratan, zdaroŭja tvaim baćkam!»
«Heta samyja smačnyja miescy, voś takija prykolnyja restarany, ja adkazvaju!!!»
«Hetaja halinka pavinna patrapić u śpis pryčyn, čamu ludzi majuć budučyniu».
«Z dniom naradžeńnia! Štości na zvyčajnym i chatnim, pryjemna hladzieć!»
«Viedajecie, u takich halinak Threads vajb instahrama, kali jon tolki naradžaŭsia. Voś ja, voś maja naha) Vielmi lampava, prosta fotki z dušoj, ničoha lišniaha. Toje, čaho ŭ sacsietkach niama ciapier…»
«Čamu ŭsie dobryja, prostyja pasty ź Biełarusi? Tam usie kłasnyja, ci što?»
Ale niechta zrabiŭ imianińniku alternatyŭnaje virtualnaje śviata, jak jano šmat u kaho vyhladaje ŭ sietkach.
Sam vinoŭnik uračystaści adkazaŭ kamientataram: «Ja lublu ŭsio prostaje, nieskładanaje, niapafasnaje».
Jon taksama raśpisaŭ biudžet śviata: ahułam za ŭsie stravy — sałaty, dva vidy stejkaŭ, bulbu i napoi — zapłacili 151 rubiel.
-
«My chacieli stvaryć vajb «Chłopčyk, harełački mnie pryniasi!» U Minsku pačała pracavać «Žanočaja piŭnaja» — aficyjanty tam adny mužčyny
-
Muž byłoj kiraŭnicy Ministerstva ŭnutranaj biaśpieki ZŠA lubić adziavać žanočaje i bambičnyja nakładnyja hrudzi
-
Biełaruska Alaksandra Borcič, jakaja zdymajecca ŭ Rasii, źmianiła akciorskuju prafiesiju
Kamientary