Беларускіх бяспраўнікаў падзялілі на дзве катэгорыі. Штрафы для іх будуць розныя
Калі правы забралі ці іх ніколі і не было — адна справа. А калі проста скончылася пасведчанне, то можна абысціся меншым пакараннем.
Стала вядома пра новаўвядзенні, прадугледжаныя законам «Аб змяненні кодэксаў па пытаннях адміністрацыйнай адказнасці». Дакумент, ужо падпісаны Аляксандрам Лукашэнкам, але пакуль афіцыйна не апублікаваны, уносіць змены ў тым ліку ў Кодэкс аб адміністратыўных правапарушэннях.
Пакуль што любы чалавек, якога злавілі за рулём і які не мае дзейнага пасведчання кіроўцы, атрымлівае штраф у памеры ад 5 да 20 базавых велічынь.
Калі яго злавілі паўторна на працягу года, то штраф застаецца такім самым, але можна замест яго трапіць на грамадскія працы ці атрымаць адміністратыўны арышт — да 15 сутак.
Цяпер кіроўцаў без правоў дзеляць на дзве катэгорыі.
Калі ў чалавека ніколі не было пасведчання кіроўцы ці ён быў пазбаўлены права кіравання, адказнасць застанецца ранейшай.
А вось калі кіроўца проста забыўся працягнуць пасведчанне, то пакаранне для яго змякчылі. Яму давядзецца заплаціць ад 2 да 5 базавых велічынь (ад 90 рублёў да 225 рублёў).
Калі ж яго аштрафавалі, а ён так і не аформіў новае пасведчанне, то ў наступны раз штраф будзе ў такім самым дыяпазоне.
Змены ўступяць у сілу праз два месяцы з дня афіцыйнага апублікавання.
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары