Паводле інфармацыі агенцтва Reuters, кампанія Meta плануе правесці маштабныя скарачэнні супрацоўнікаў, звязаныя з актыўным укараненнем штучнага інтэлекту.
Першы этап звальненняў прызначаны на 20 мая. Мяркуецца, што на гэтым этапе могуць скараціць каля 10% штату кампаніі — гэта прыкладна 8 тысяч чалавек. У другой палове года магчымыя новыя хвалі звальненняў, але канчатковыя планы яшчэ не вызначаныя і могуць змяняцца ў залежнасці ад развіцця ШІ-тэхналогій.
Прычына такіх мер — імкненне павысіць эфектыўнасць працы. Кіраўніцтва кампаніі хоча скараціць колькасць кіраўнічых узроўняў і зрабіць стаўку на супрацоўнікаў, якія выкарыстоўваюць у сваёй працы штучны інтэлект.
Апошнім часам Meta ўжо правяла рэарганізацыю: частку інжынераў перавялі ў новае падраздзяленне, звязанае з прыкладным ШІ, дзе распрацоўваюцца сістэмы, здольныя пісаць код і выконваць складаныя задачы. Іншых супрацоўнікаў перанакіроўваюць у новыя бізнэс-кірункі.
Гэта не першыя значныя скарачэнні ў кампаніі. Раней Meta ўжо звальняла тысячы супрацоўнікаў у рамках аптымізацыі бізнэсу.
Акрамя таго, кампанія актыўна інвестуе ў развіццё штучнага інтэлекту. Напрыклад, у 2025 годзе яна ўклала каля 15 мільярдаў даляраў у стартап Scale AI, каб узмацніць свае пазіцыі ў канкурэнцыі з іншымі тэхналагічнымі гігантамі.
Новая мадэль Anthropic вымусіла главу Мінфіна ЗША правесці экстранную нараду з кіраўнікамі найбуйнейшых банкаў
У інтэрнэце трафіку ад ботаў і ШІ ўжо больш, чым ад людзей
Кашалёк з сюрпрызамі. Ці зможа X Ілана Маска стаць супердадаткам для ўсяго?
Якія прафесіі штучны інтэлект хутка заменіць на 90%: вынікі новага даследавання
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
Але так, гэта ШІ, а не дрэнны менаджмент і адсутнасць будучыні для кампаніі якая пабудавала свой капітал на дадзеных карыстальнікаў, а пасля пераўтварыла свае прадукты ў рэкламныя платформы ;)