Pavodle infarmacyi ahienctva Reuters, kampanija Meta płanuje pravieści maštabnyja skaračeńni supracoŭnikaŭ, źviazanyja z aktyŭnym ukaranieńniem štučnaha intelektu.
Pieršy etap zvalnieńniaŭ pryznačany na 20 maja. Miarkujecca, što na hetym etapie mohuć skaracić kala 10% štatu kampanii — heta prykładna 8 tysiač čałaviek. U druhoj pałovie hoda mahčymyja novyja chvali zvalnieńniaŭ, ale kančatkovyja płany jašče nie vyznačanyja i mohuć źmianiacca ŭ zaležnaści ad raźvićcia ŠI-technałohij.
Pryčyna takich mier — imknieńnie pavysić efiektyŭnaść pracy. Kiraŭnictva kampanii choča skaracić kolkaść kiraŭničych uzroŭniaŭ i zrabić staŭku na supracoŭnikaŭ, jakija vykarystoŭvajuć u svajoj pracy štučny intelekt.
Apošnim časam Meta ŭžo praviała rearhanizacyju: častku inžynieraŭ pieraviali ŭ novaje padraździaleńnie, źviazanaje z prykładnym ŠI, dzie raspracoŭvajucca sistemy, zdolnyja pisać kod i vykonvać składanyja zadačy. Inšych supracoŭnikaŭ pieranakiroŭvajuć u novyja biznes-kirunki.
Heta nie pieršyja značnyja skaračeńni ŭ kampanii. Raniej Meta ŭžo zvalniała tysiačy supracoŭnikaŭ u ramkach aptymizacyi biznesu.
Akramia taho, kampanija aktyŭna inviestuje ŭ raźvićcio štučnaha intelektu. Naprykład, u 2025 hodzie jana ŭkłała kala 15 miljardaŭ dalaraŭ u startap Scale AI, kab uzmacnić svaje pazicyi ŭ kankurencyi ź inšymi technałahičnymi hihantami.
Novaja madel Anthropic vymusiła hłavu Minfina ZŠA pravieści ekstrannuju naradu z kiraŭnikami najbujniejšych bankaŭ
U internecie trafiku ad botaŭ i ŠI ŭžo bolš, čym ad ludziej
Kašalok ź siurpryzami. Ci zmoža X Iłana Maska stać supierdadatkam dla ŭsiaho?
Jakija prafiesii štučny intelekt chutka zamienić na 90%: vyniki novaha daśledavańnia
Kamientary
Ale tak, heta ŠI, a nie drenny mienadžmient i adsutnaść budučyni dla kampanii jakaja pabudavała svoj kapitał na dadzienych karystalnikaŭ, a paśla pieraŭtvaryła svaje pradukty ŭ rekłamnyja płatformy ;)