Ізраільскіх вайскоўцаў пакаралі за вандалізм у дачыненні статуі Ісуса Хрыста
Інцыдэнт адбыўся ў вёсцы на поўдні Лівана. Ізраільскі салдат ударыў кувалдай па галаве ўжо паваленай статуі, а іншы зняў гэта на фота. Здымкі хутка разышліся ў інтэрнэце і выклікалі шырокае абурэнне. У выніку вайсковыя і цывільныя ўлады Ізраіля мусілі на гэта рэагаваць, піша Бі-бі-сі.
Армія Ізраіля правяла расследаванне і заявіла, што дзеянні вайскоўцаў супярэчаць правілам і каштоўнасцям войска. У выніку двух салдат арыштавалі на 30 дзён і адхілілі ад баявой службы. Яшчэ шэсць чалавек, якія прысутнічалі і не ўмяшаліся, таксама могуць панесці адказнасць.
Ізраільскі бок папрасіў прабачэння за здарэнне і паведаміў, што пашкоджаную статую ўжо замянілі па ўзгадненні з мясцовымі жыхарамі.
Інцыдэнт асудзілі як у Ліване, так і за яго межамі. Рэлігійныя дзеячы назвалі гэта знявагай святыняў, а ўлады Ізраіля прызналі, што тое, што адбылося, прычыніла боль вернікам.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары
НН ці ёсць магчымасці зрабіць гэта ?
Каб мы ня блукалі па інтернетах . А з першых вуснаў пачулі .