Пуцін заявіў, што вайна ва Украіне «блізкая да завяршэння», і хоча, каб перамоўнікам быў Шродэр
Прэзідэнт Расіі Уладзімір Пуцін, выступаючы перад журналістамі з нагоды Дня Перамогі, зрабіў некалькі гучных заяў.
Сярод іншага падчас выступлення Пуцін пракаментаваў выказанае раней саюзнай Расіі Арменіяй жаданне ўступіць у Еўрасаюз. Ён заявіў, што, маўляў, не супраць гэтага, што Ерэван мог бы правесці рэферэндум па пытанні ўступлення ў альянс. І калі народ падтрымае гэта, то тады і Расія магла б пачаць працэс «цывілізаванага разводу».
Але ў той жа час нагадаў пра тое, што адбываецца «на ўкраінскім кірунку».
«А з чаго пачалося ж? Са спробы ўступлення Украіны ў ЕС», — заявіў Пуцін.
Што да самой вайны з Украінай, то яна нібыта «набліжаецца да завяршэння», хоць канкрэтныя прычыны такой ацэнкі сітуацыі Пуцін не назваў.
Таксама ён заявіў, што гатовы сустрэцца з Уладзімірам Зяленскім не толькі ў Маскве, але і ў нейкай трэцяй краіне, але толькі пасля таго, як будуць дасягнутыя асноўныя дамоўленасці пра мірнае пагадненне. Ён падкрэсліў, што такі дакумент павінен быць разлічаны на «доўгую гістарычную перспектыву».
Пуцін адзначыў, што перамовы пра мір — гэта найперш справа Расіі і Украіны, аднак Масква не супраць пасярэдніцтва ЗША.
У якасці пажаданага прадстаўніка для кантактаў з Еўропай ён назваў Герхарда Шродэра — былога федэральнага канцлера Германіі, які вядомы як даўні саюзнік Крамля.
Па словах Пуціна, Расія нібыта не атрымала ад Украіны прапаноў наконт абмену ваеннапалоннымі па схеме «1000 на 1000», які бакі павінны зрабіць пры пасярэдніцтве ЗША. Расійскі бок жа, маўляў, яшчэ 5 мая перадаў Кіеву спіс з 500 украінскіх вайскоўцаў, якія знаходзяцца ў Расіі. Па версіі Пуціна, спачатку ўкраінскі бок нібыта прапаноўваў абмяняць не ўсіх, а толькі частку палонных, а пасля перастаў выходзіць на сувязь і заявіў пра негатоўнасць да абмену.
-
Амерыканскі мірны план прадугледжвае дэмілітарызаваную зону на Данбасе і адмову Украіны ад уступлення ў НАТА
-
«Скарбы, знойдзеныя на гарышчы». Калекцыю картак Pokemon маляра-пенсіянера прадалі за два мільёны даляраў
-
У Нью-Ёрку вырашылі забараніць адну з візітных картак горада — конныя экіпажы Цэнтральнага парку
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім3
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары