Pucin zajaviŭ, što vajna va Ukrainie «blizkaja da zaviaršeńnia», i choča, kab pieramoŭnikam byŭ Šroder
Prezident Rasii Uładzimir Pucin, vystupajučy pierad žurnalistami z nahody Dnia Pieramohi, zrabiŭ niekalki hučnych zajaŭ.
Siarod inšaha padčas vystupleńnia Pucin prakamientavaŭ vykazanaje raniej sajuznaj Rasii Armienijaj žadańnie ŭstupić u Jeŭrasajuz. Jon zajaviŭ, što, maŭlaŭ, nie suprać hetaha, što Jerevan moh by pravieści refierendum pa pytańni ŭstupleńnia ŭ aljans. I kali narod padtrymaje heta, to tady i Rasija mahła b pačać praces «cyvilizavanaha razvodu».
Ale ŭ toj ža čas nahadaŭ pra toje, što adbyvajecca «na ŭkrainskim kirunku».
«A z čaho pačałosia ž? Sa sproby ŭstupleńnia Ukrainy ŭ ES», — zajaviŭ Pucin.
Što da samoj vajny z Ukrainaj, to jana nibyta «nabližajecca da zaviaršeńnia», choć kankretnyja pryčyny takoj acenki situacyi Pucin nie nazvaŭ.
Taksama jon zajaviŭ, što hatovy sustrecca z Uładzimiram Zialenskim nie tolki ŭ Maskvie, ale i ŭ niejkaj treciaj krainie, ale tolki paśla taho, jak buduć dasiahnutyja asnoŭnyja damoŭlenaści pra mirnaje pahadnieńnie. Jon padkreśliŭ, što taki dakumient pavinien być raźličany na «doŭhuju histaryčnuju pierśpiektyvu».
Pucin adznačyŭ, što pieramovy pra mir — heta najpierš sprava Rasii i Ukrainy, adnak Maskva nie suprać pasiarednictva ZŠA.
U jakaści pažadanaha pradstaŭnika dla kantaktaŭ ź Jeŭropaj jon nazvaŭ Hiercharda Šrodera — byłoha fiederalnaha kanclera Hiermanii, jaki viadomy jak daŭni sajuźnik Kramla.
Pa słovach Pucina, Rasija nibyta nie atrymała ad Ukrainy prapanoŭ nakont abmienu vajennapałonnymi pa schiemie «1000 na 1000», jaki baki pavinny zrabić pry pasiarednictvie ZŠA. Rasijski bok ža, maŭlaŭ, jašče 5 maja pieradaŭ Kijevu śpis z 500 ukrainskich vajskoŭcaŭ, jakija znachodziacca ŭ Rasii. Pa viersii Pucina, spačatku ŭkrainski bok nibyta prapanoŭvaŭ abmianiać nie ŭsich, a tolki častku pałonnych, a paśla pierastaŭ vychodzić na suviaź i zajaviŭ pra niehatoŭnaść da abmienu.
Deputatka, jakaja rychtuje pryhažuń dla Łukašenki, vyjšła zamuž23
Kamientary