Шэсць зуброў з Белавежскай пушчы даставілі ў расійскі Башкартастан, дзе працягваецца праект па аднаўленні папуляцыі гэтых жывёл, піша БелТА.
Жывёл перавезлі ў прыродны парк «Мурадымаўская цяснiна» ў Кугарчынскім раёне. Амаль тры тысячы кіламетраў і трое сутак у дарозе зубры перанеслі без праблем. Падчас паездкі іх рэгулярна кармілі і паілі.
У Башкартастан адправілі аднаго дарослага самца і пяць самак. Дзве з іх ужо хутка павінны прынесці патомства. Спачатку жывёлы будуць знаходзіцца ў спецыяльных вальерах на каранціне, а праз адзін-два месяцы іх плануюць выпусціць у прыроду.
Спецыялісты адзначаюць, што зубры жылі на Паўднёвым Урале яшчэ тысячы гадоў таму, але ў мінулым стагоддзі былі цалкам знішчаныя чалавекам. Цяпер у рэгіёне аднаўляюць іх папуляцыю.
Першыя 18 зуброў з Беларусі прывезлі ў Башкартастан яшчэ ў 2023 годзе. Яны паспяхова адаптаваліся і ўжо далі патомства. Да 2030 года колькасць зуброў у рэгіёне плануюць павялічыць да 50 асобін.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку27
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары