Сезонны рынак Камароўкі напаўняецца таннымі ягадамі, сакавітымі кавунамі і румянымі абрыкосамі. У будні дзень з самай раніцы там ужо шмат людзей, якія актыўна робяць пакупкі. Хіт сезона — ягады, у тым ліку беларускія, піша Tochka.by.
Клубніцы прадаюць па 6,9 рубля за кілаграм. Але яны не самыя прыгожыя, могуць трапіцца і падгнілыя. Аднак чэргі вялікія: пакупнікі бяруць вёдрамі на варэнне і кампоты.
У цэлым на рынку гэтая ягада каштуе да 18,9 рубля. З’явіліся і беларускія вішні па 7—9 рублёў. А вось чарэшні — 7—30 рублёў за 1 кг.
З навінак — чорныя і чырвоныя парэчкі Ягады можна купіць у сярэднім па 7,9—10 рублёў. Але ёсць і элітныя прапановы — па 19,9.
На адным з цэннікаў загадкавае: «лесная смородина». Прадавец кажа, што «гэта нехта дапісаў». А ён, маўляў, прадае звычайную смародзіну.
За лясныя суніцы просяць 20 рублёў за паўлітра, чарніцы — 10 за той жа аб’ём. Ёсць таксама продаж на вагу — па 12—16,9 за кілаграм.
Буякі ў сярэднім каштуюць 24 рублі за 1 кг. Таксама з’явіўся агрэст па 15 рублёў.
Гародніна стала таннейшай
Рэзка ўпала цана на кабачкі. Цяпер іх можна купіць па 1,99—3 рублі за кілаграм. Таксама выгадна браць капусту па 2 рублі, каляровую — па 2—3.
Баклажаны пакуль трымаюць цану — 6,9—7,9 рубля за 1 кг.
Маладую бульбу прадаюць па 2—5 рублёў за кілаграм. Моркву можна купіць па 1—4,5, буракі — па 0,99—5,5 рубля.
Самая танная цыбуля — 1,59 рубля. Ёсць і вельмі дарагая з Крыма, якую прапануюць па вар’яцкай цане — 20 рублёў за 1 кг.
Беларускія агуркі рэзка ўпалі ў цане. За іх просяць усяго 2,9—5 рублёў за кілаграм.
Усё больш беларускіх памідораў. Цэны на рынку розныя — у дыяпазоне 5—30 рублёў за 1 кг. Перцу менш — 4,9—9,9 рубля.
З’явіліся лісічкі, але іх вельмі мала — прадаюць па 29 рублёў за 1 кг. Звычайныя шампіньёны — па 9—12 рублёў.
Для аматараў зеляніны таксама ёсць добрая навіна — яна каштуе ўсяго 8—15 рублёў у пераліку на кілаграмы. Гэта, дарэчы, у разы танней, чым у сеткавых крамах.
Фруктовае нашэсце
Вельмі шмат рознай садавіны. Зараз у хаду абрыкосы па 5,9—15 рублёў за кілаграм. Нектарыны каштуюць 8,9—29 рублёў, прыкладна столькі ж — персікі.
Апельсіны аддаюць амаль задарма — па 2,5 рубля за 1 кг, гэта самы танны варыянт. У сярэднім па рынку — па 5—8 рублёў, мандарыны — па 3,5—12 рублёў, лімоны — па 6,9—14,9 рубля.
Усё больш бахчавых культур. Кавуны настойліва прапануюць купіць па 5—6 рублёў за кілаграм, дыні — па 3—9 рублёў.
Бананы ў сярэднім па рынку каштуюць 2,9—5,9 рубля. Яблыкі прадаюць па 3—4 рублі, грушы — па 5—11 рублёў, але недарагіх мала.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары