Зяленскі: Ракеты Patriot у свеце ёсць, патрэбныя толькі палітычныя рашэнні
Прэзідэнт Украіны Уладзімір Зяленскі ў сваім вечаровым відэазвароце заявіў, што ў свеце ёсць неабходныя ракеты для зенітных ракетных комплексаў Patriot, аднак для іх перадачы Украіне патрэбнае палітычнае рашэнне краін-партнёраў.
Паводле слоў Уладзіміра Зяленскага, Злучаныя Штаты і еўрапейскія дзяржавы ведаюць, якая дапамога патрэбная Украіне. Ён падкрэсліў, што супрацьбалістычныя ракеты павінны выкарыстоўвацца для абароны мірнага насельніцтва, а не захоўвацца на складах.
«Ракеты для Patriot у свеце ёсць, важна, каб партнёры прынялі гэта палітычнае рашэнне — рашэнне пра перадачу неабходных пакетаў. Злучаныя Штаты Амерыкі ведаюць, што нам патрэбна. У Еўропе ведаюць, што нам патрэбна.
Антыбалістычныя ракеты павінны абараняць людзей, а не ляжаць на складах. І кожны дзень адсутнасці такой адпаведнай важнай дапамогі — гэта магчымасць Расіі забіваць людзей», — падкрэсліў прэзідэнт Украіны.
Зяленскі таксама заклікаў увесці дадатковыя санкцыі супраць кампаній і фізічных асоб, якія дапамагаюць расійскай абароннай прамысловасці вырабляць балістычныя ракеты, пускавыя ўстаноўкі і пастаўляюць неабходныя дэталі. Ён адзначыў, што ў юрысдыкцыях краін «Вялікай сямёркі» яшчэ існуюць прабелы, якія дазваляюць абыходзіць санкцыйныя абмежаванні.
Асобна прэзідэнт Украіны закрануў энергетычную сферу, заявіўшы, што неабходна спыніць любую дапамогу, якая дазваляе Расіі аднаўляць працу сваіх нафтаперапрацоўчых прадпрыемстваў.
Для абмеркавання гэтых пытанняў найбліжэйшым часам плануецца правесці глабальную нараду з украінскімі пасламі. Па словах Зяленскага, галоўнымі задачамі будуць дасягненне новых вынікаў у пытаннях паставак узбраення і ўзмацнення міжнароднага санкцыйнага ціску на Расію.
Таксама ён паведаміў, што правёў размовы з прадстаўнікамі ўкраінскай дэлегацыі, якая працуе з амерыканскім бокам, у тым ліку з Рустэмам Умеравым, Кірылам Буданавым, Сяргеем Кісліцай і Паўлам Палісам. Паводле яго слоў, найбліжэйшыя тыдні павінны стаць перыядам актыўнай дыпламатычнай працы.
Гэтыя заявы прагучалі пасля масіраванага расійскага ракетнага ўдару па Кіеве і Кіеўскай вобласці ў ноч на 1 жніўня. Паводле інфармацыі ўкраінскіх уладаў, у сталіцы загінулі дзевяць чалавек, яшчэ 33 атрымалі раненні. У Кіеўскай вобласці загінуў адзін чалавек, дзевяць былі параненыя.
Раней Зяленскі заяўляў, што з-за дэфіцыту ракет да комплексаў Patriot украінскія сілы супрацьпаветранай абароны змаглі перахапіць толькі адну з 27 расійскіх балістычных ракет, выпушчаных падчас той атакі.
Нетаньяху заблакаваў перадачу Украіне сістэм «Жалезны купал», хоць ЗША былі гатовыя заплаціць
Трамп назваў прычыну адмовы Украіне ў ліцэнзіі на ракеты Patriot
Зяленскі: Ва Украіны скончыліся ракеты для СПА Patriot
Зяленскі дабіваецца, каб Маск дазволіў Украіне выкарыстоўваць Starlink для навядзення дронаў на тэрыторыі Расіі
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
Ужо 5 год таму Украіна ведала пра планы Расеі адносна ваеннага захопу тэрыторыі украіны. Я помню, як замежныя журналісты здымалі рэпартажы пра курсы ваеннай падрыхтоўкі насельніцства да вайны у украіне. Жанчыны з дуўгімі нагцямі і дуўгімі валасамі красаваліся з ружжом, робячы селфі.
Чаму Зяленскі чакае, што яму аддадуць галоўныя атрыбуты нацыянальнай бясьпекі ??? Кожны палітык - прадстаўнік свайго народа і дбае пра яго / народа інтерэсы. а не інтэрэсы народа украіны.