Zialenski: Rakiety Patriot u śviecie jość, patrebnyja tolki palityčnyja rašeńni
Prezident Ukrainy Uładzimir Zialenski ŭ svaim viečarovym videazvarocie zajaviŭ, što ŭ śviecie jość nieabchodnyja rakiety dla zienitnych rakietnych kompleksaŭ Patriot, adnak dla ich pieradačy Ukrainie patrebnaje palityčnaje rašeńnie krain-partnioraŭ.
Pavodle słoŭ Uładzimira Zialenskaha, Złučanyja Štaty i jeŭrapiejskija dziaržavy viedajuć, jakaja dapamoha patrebnaja Ukrainie. Jon padkreśliŭ, što supraćbalistyčnyja rakiety pavinny vykarystoŭvacca dla abarony mirnaha nasielnictva, a nie zachoŭvacca na składach.
«Rakiety dla Patriot u śviecie jość, važna, kab partniory pryniali heta palityčnaje rašeńnie — rašeńnie pra pieradaču nieabchodnych pakietaŭ. Złučanyja Štaty Amieryki viedajuć, što nam patrebna. U Jeŭropie viedajuć, što nam patrebna.
Antybalistyčnyja rakiety pavinny abaraniać ludziej, a nie lažać na składach. I kožny dzień adsutnaści takoj adpaviednaj važnaj dapamohi — heta mahčymaść Rasii zabivać ludziej», — padkreśliŭ prezident Ukrainy.
Zialenski taksama zaklikaŭ uvieści dadatkovyja sankcyi suprać kampanij i fizičnych asob, jakija dapamahajuć rasijskaj abaronnaj pramysłovaści vyrablać balistyčnyja rakiety, puskavyja ŭstanoŭki i pastaŭlajuć nieabchodnyja detali. Jon adznačyŭ, što ŭ jurysdykcyjach krain «Vialikaj siamiorki» jašče isnujuć prabieły, jakija dazvalajuć abychodzić sankcyjnyja abmiežavańni.
Asobna prezident Ukrainy zakranuŭ enierhietyčnuju śfieru, zajaviŭšy, što nieabchodna spynić lubuju dapamohu, jakaja dazvalaje Rasii adnaŭlać pracu svaich naftapierapracoŭčych pradpryjemstvaŭ.
Dla abmierkavańnia hetych pytańniaŭ najbližejšym časam płanujecca pravieści hłabalnuju naradu z ukrainskimi pasłami. Pa słovach Zialenskaha, hałoŭnymi zadačami buduć dasiahnieńnie novych vynikaŭ u pytańniach pastavak uzbrajeńnia i ŭzmacnieńnia mižnarodnaha sankcyjnaha cisku na Rasiju.
Taksama jon paviedamiŭ, što pravioŭ razmovy z pradstaŭnikami ŭkrainskaj delehacyi, jakaja pracuje z amierykanskim bokam, u tym liku z Rustemam Umieravym, Kiryłam Budanavym, Siarhiejem Kiślicaj i Paŭłam Palisam. Pavodle jaho słoŭ, najbližejšyja tydni pavinny stać pieryjadam aktyŭnaj dypłamatyčnaj pracy.
Hetyja zajavy prahučali paśla masiravanaha rasijskaha rakietnaha ŭdaru pa Kijevie i Kijeŭskaj vobłaści ŭ noč na 1 žniŭnia. Pavodle infarmacyi ŭkrainskich uładaŭ, u stalicy zahinuli dzieviać čałaviek, jašče 33 atrymali ranieńni. U Kijeŭskaj vobłaści zahinuŭ adzin čałaviek, dzieviać byli paranienyja.
Raniej Zialenski zajaŭlaŭ, što z-za deficytu rakiet da kompleksaŭ Patriot ukrainskija siły supraćpavietranaj abarony zmahli pierachapić tolki adnu z 27 rasijskich balistyčnych rakiet, vypuščanych padčas toj ataki.
Nietańjachu zabłakavaŭ pieradaču Ukrainie sistem «Žalezny kupał», choć ZŠA byli hatovyja zapłacić
Tramp nazvaŭ pryčynu admovy Ukrainie ŭ licenzii na rakiety Patriot
Zialenski: Va Ukrainy skončylisia rakiety dla SPA Patriot
Zialenski dabivajecca, kab Mask dazvoliŭ Ukrainie vykarystoŭvać Starlink dla naviadzieńnia dronaŭ na terytoryi Rasii
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary
Užo 5 hod tamu Ukraina viedała pra płany Rasiei adnosna vajennaha zachopu terytoryi ukrainy. Ja pomniu, jak zamiežnyja žurnalisty zdymali repartažy pra kursy vajennaj padrychtoŭki nasielnicstva da vajny u ukrainie. Žančyny z duŭhimi nahciami i duŭhimi vałasami krasavalisia z ružžom, robiačy siełfi.
Čamu Zialenski čakaje, što jamu addaduć hałoŭnyja atrybuty nacyjanalnaj biaśpieki ??? Kožny palityk - pradstaŭnik svajho naroda i dbaje pra jaho / naroda intieresy. a nie interesy naroda ukrainy.