У Германіі і Нідэрландах зафіксавалі самы нізкі за ўсю гісторыю назіранняў узровень вады ў рацэ Рэйн. Прычынай стала працяглая засуха, якая закранула значную частку Еўропы, паведамляе Бі-бі-сі.
Паводле звестак маніторынгу, напрыканцы ліпеня нізкі ўзровень вады адзначаўся на 44% вымяральных станцый на Рэйне і на 78% станцый на Дунаі. На ўчастку каля горада Каўб суднаходная глыбіня знізілася да 25 сантыметраў — гэта паўтарыла антырэкорд 2018 года.
Такое абмяленне сур'ёзна ўскладняе рачныя грузаперавозкі. Каб судны маглі працягваць рух, іх даводзіцца менш загружаць або размяркоўваць грузы паміж некалькімі суднамі. Гэта можа прывесці да падаражання транспартных перавозак і праблем з пастаўкамі.
Падобная сітуацыя назіраецца і на іншых буйных еўрапейскіх рэках. На Дунаі ў Сербіі і Румыніі ўзровень вады стаў самым нізкім за апошнія тры дзесяцігоддзі. У Венгрыі з-за дэфіцыту вады была спынена праца адзінай атамнай электрастанцыі.
У Італіі рака По таксама дасягнула гістарычна нізкага ўзроўню. Улады абвясцілі высокую небяспеку ў даліне ракі і папярэдзілі пра магчымыя перабоі з пітной вадой. Прасоўванне салёнай марской вады ў вусце По пагражае экасістэмам і стварае цяжкасці для сельскай гаспадаркі.
Сіноптыкі прагназуюць, што новая хваля спёкі працягнецца яшчэ як мінімум тыдзень, а ў многіх краінах Цэнтральнай і Паўднёвай Еўропы тэмпература паветра перавысіць +40 °C. Паводле Еўрапейскай абсерваторыі засухі, сітуацыя ў многіх рэгіёнах кантынента застаецца крытычнай і працягвае пагаршацца.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары