Пацвердзілася гібель зяця расійскага генерала пры выбуху ў рэстаране ў Маскве
Дзяржаўная база пацвердзіла смерць зяця кіраўніка ВКС Аляксандра Чайко пасля выбуху 1 жніўня каля рэстарана ў Маскве.
Адзін з персанальных дакументаў зяця галоўнакамандуючага Паветрана-касмічнымі сіламі Расіі Аляксандра Чайко Данііла Перадрыя быў прызнаны несапраўдным, высветліла «Агенцтва». Гэта пацвярджае інфармацыю пра тое, што ён загінуў падчас выбуху ў маскоўскім рэстаране Balzi Rossi.
Інфармацыя пра прызнанне несапраўдным дакумента, нумар якога патрапіў у вывучаныя «Агенцтвам» уцечкі, з'явілася ў дзяржаўных базах у ноч на сераду. Аднак сам дакумент прызнаны несапраўдным яшчэ 1 жніўня — у дзень выбуху ў маскоўскім рэстаране Balzi Rossi.
У нядзелю пра загінулага Перадрыя напісаў прарасійскі блогер Анатоль Шарый. Ён паведаміў, што дачка галоўкама ВКС Марыя Чайко магла пацярпець падчас выбуху, а яе муж Данііл Перадрый загінуў. Пра тое, што дачка генерала была сярод пацярпелых, пісала таксама «Вёрстка» са спасылкай на крыніцу.
Згодна з уцечкамі, яна змяніла прозвішча з Чайко на Перадрый у 2025 годзе. Вяселле згулялі ў чэрвені мінулага года ў прэміяльным пасёлку побач з Рублёўкай.
У зачыненым 1 жніўня на прыватнае абслугоўванне рэстаране адзначалася 55‑годдзе галоўнакамандуючага ПКС РФ генерала Аляксандра Чайко.
Сам генерал, па наяўнай інфармацыі, не пацярпеў.
Аляксандр Чайко ў 2022 годзе камандаваў наступам на Кіеў і знаходзіцца пад санкцыямі ЕС праз датычнаць да ваенных злачынстваў у Бучы.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам5
Каментары
Шкада, што генерал не папаў на канцэрт Кабзона.)))