Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек
Наступствы тэракта ў маскоўскім рэстаране Balzi Rossi растуць.
Два пацярпелыя памерлі ў бальніцы, такім чынам агульная колькасць загінулых дасягнула пяці чалавек, паведаміў канал 112. Яшчэ мінімум шэсць чалавек застаюцца ў цяжкім стане.
Выбух адбыўся падчас закрытага мерапрыемства — святкавання 55‑гадовага юбілею галоўнакамандуючага Паветрана-касмічнымі сіламі РФ генерала Аляксандра Чайко.
Паводле звестак «ВЧК-ОГПУ», сярод запрошаных гасцей знаходзіліся таварышы па службе генерала, чыноўнікі, дэпутаты Дзярждумы і супрацоўнікі ФСБ.
Бяспеку мерапрыемства забяспечвалі супрацоўнікі Федэральнай службы аховы. Выбух адбыўся на верандзе рэстарана, калі да завядзення наблізілася жанчына-кур'ер з прыгожа запакаванай каробкай.
Яе спыніў ахоўнік, імаверна, супрацоўнік ФСА з групы аховы. У гэты ж момант спрацавала выбуховая прылада. На месцы загінулі сама выканаўца выбуху, супрацоўнік ФСА і адзін з наведвальнікаў завядзення, яшчэ двое памерлі пазней у бальніцы. Сам генерал Чайко, паводле наяўнай інфармацыі, застаўся жывы.
Украінскія праваахоўныя органы абвінавачваюць часці, падначаленыя Чайко, у ваенных злачынствах, здзейсненых пачынаючы ад 2022 года. У тым ліку і ў Бучы Кіеўскай вобласці. Да ліпеня 2022 года, перад тым як узначаліць расійскую авіяцыю, Чайко камандаваў войскамі Усходняй вайсковай акругі — акурат тымі, якія наступалі на Кіеў з Беларусі.
-
«Паліць нафтаперапрацоўчыя заводы». Кіт Келаг параіў, што трэба рабіць Украіне пасля папярэджанняў Трампа
-
У Францыі хакеры ўзламалі халадзільнікі ў сотнях супермаркетаў. Замест мінусавой тэмпературы яны сталі даваць плюсавую
-
У Германіі затрымалі падазраваных у падпале станцыі Starlink у Польшчы. Яны іншаземцы
Каментары
и ещё тот референт , что из органов . 💤