Сотні людзей сабраліся ў Маскве каля Вярхоўнага суда, які разглядае зняцце «Яблыка» з выбараў
Гэта партыя «дазволенай апазіцыі» адзіная выступае супраць вайны.
Пад будынкам суда ў Маскве сабралася каля паўтысячы чалавек, у асноўным моладзь, якія прыйшлі падтрымаць антываенную партыю.
Адзіную дапушчаную да выбараў у Дзяржаўную думу Расіі партыю з антываеннай пазіцыяй намагаюцца адхіліць ад удзелу праз Вярхоўны суд РФ. Пазоў пра адмену рэгістрацыі федэральнага спісу «Яблыка» падала пракрамлёўская партыя «Радзіма», абвінаваціўшы канкурэнтаў у парушэнні выбарчага і аўтарскага заканадаўства.
Прычынай судовага працэсу стаў пазоў «Радзімы» з абвінавачваннямі ў парушэнні аўтарскіх правоў: «Яблык» нібыта размяшчае рэкламу ў забароненых у Расіі сацсетках і парушае аўтарскія правы пры выкарыстанні песень і тэкстаў. Таксама, сярод іншага, з-за фота бамбардзіроўкі Хірасімы з Бібліятэкі Кангрэса ЗША, цытат у інтэрв'ю Яўлінскага і кадраў з фільма «Вайна і мір», піша «Медуза».
Старшыня «Яблыка» Мікалай Рыбакоў заявіў у судзе, што апаненты дайшлі да абсурду і спрабуюць паставіць у віну партыі сам факт крытыкі ўладаў і лозунг «За мір і перамены».
Большасць з сотняў прыхільнікаў не змаглі трапіць у залу і сочаць за працэсам на вуліцы.
Кіраўніца расійскага ЦВК Эла Памфілава заклікала пакуль не адпраўляць бюлетэні са спісам зарэгістраваных партый у друк, бо ў іх могуць унесці змены: «Не спяшайцеся, ні ў якім разе ў друкарні нікуды не адпраўляйце, правяраем, магчыма, будуць нейкія карэкціроўкі», — сказала Памфілава на пасяджэнні камісіі.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак2
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары