Sotni ludziej sabralisia ŭ Maskvie kala Viarchoŭnaha suda, jaki razhladaje źniaćcie «Jabłyka» z vybaraŭ
Heta partyja «dazvolenaj apazicyi» adzinaja vystupaje suprać vajny.
Pad budynkam suda ŭ Maskvie sabrałasia kala paŭtysiačy čałaviek, u asnoŭnym moładź, jakija pryjšli padtrymać antyvajennuju partyju.
Adzinuju dapuščanuju da vybaraŭ u Dziaržaŭnuju dumu Rasii partyju z antyvajennaj pazicyjaj namahajucca adchilić ad udziełu praź Viarchoŭny sud RF. Pazoŭ pra admienu rehistracyi fiederalnaha śpisu «Jabłyka» padała prakramloŭskaja partyja «Radzima», abvinavaciŭšy kankurentaŭ u parušeńni vybarčaha i aŭtarskaha zakanadaŭstva.
Pryčynaj sudovaha pracesu staŭ pazoŭ «Radzimy» z abvinavačvańniami ŭ parušeńni aŭtarskich pravoŭ: «Jabłyk» nibyta raźmiaščaje rekłamu ŭ zabaronienych u Rasii sacsietkach i parušaje aŭtarskija pravy pry vykarystańni piesień i tekstaŭ. Taksama, siarod inšaha, z-za fota bambardziroŭki Chirasimy ź Biblijateki Kanhresa ZŠA, cytat u intervju Jaŭlinskaha i kadraŭ ź filma «Vajna i mir», piša «Mieduza».
Staršynia «Jabłyka» Mikałaj Rybakoŭ zajaviŭ u sudzie, što apanienty dajšli da absurdu i sprabujuć pastavić u vinu partyi sam fakt krytyki ŭładaŭ i łozunh «Za mir i pieramieny».
Bolšaść z sotniaŭ prychilnikaŭ nie zmahli trapić u zału i sočać za pracesam na vulicy.
Kiraŭnica rasijskaha CVK Eła Pamfiłava zaklikała pakul nie adpraŭlać biuleteni sa śpisam zarehistravanych partyj u druk, bo ŭ ich mohuć unieści źmieny: «Nie śpiašajciesia, ni ŭ jakim razie ŭ drukarni nikudy nie adpraŭlajcie, praviarajem, mahčyma, buduć niejkija karekciroŭki», — skazała Pamfiłava na pasiadžeńni kamisii.
Kamientary