«Вось каго ў войска на мяжу з Украінай». Чамаданава выйшла на сенакос, зглуміла траву і павесяліла людзей ВІДЭА
Цяперашняя старшыня праўладнай партыі «Белая Русь», а раней галоўны ідэолаг Мінска і прэс-сакратарка МУС Вольга Чамаданава ўзяла ўдзел з касой у руках у рэспубліканскім фестывалі «Спораўскія сенакосы» ў Бярозаўскім раёне. Відэа, выкладзенае ў інтэрнэт, пацешыла людзей.
На відэа бачна, што Чамаданава, хоць і старанна імітуе рухі касца, касіць зусім не ўмее. Замест таго, каб укладаць траву ў пракос, яна яе толькі псуе.
Назіраючы за працэсам у інстаграме, карыстальнікі ўволю забаўляюцца:
«Я так у дзяцінстве палкай касіў».
«Хутка махаць касой не значыць касіць, сэнс не ў тым, каб махаць, а ў тым, каб трава была зрэзаная, у яе гэта відавочна не атрымліваецца».
«Калі б я так у дзяцінстве касіў, мяне б бацька кассём па срацы ганяў бы па лузе, пакуль бы срака не пасінела».
«Гэта не касьба, а проста збіванне травы».
«Якая касьба, такая і партыя — пыл у вочы».
«Гэта не касьба, а не зразумей што. Ды яшчэ і косы тупыя».
«Ну навошта гэта выкладаць у інтэрнэт? Папсавалі поле».
«Гэта як калі б конкурс дрывасекаў у Канадзе праводзіўся маханнем сякерай у паветры».
«Галоднай бы засталася ў былыя часы».
«Траву расчэсвае яна, а сорамна мне».
«Вось каго ў войска на мяжу з Украінай».
Каментары