Яна апярэдзіла Мэрылін Манро і Одры Хепбёрн — нават сярод пакалення Z, прадстаўнікі якога нарадзіліся ўжо пасля яе смерці.
Прынцэса Дыяна заняла першае месца ў рэйтынгу жаночых ікон стылю, складзеным паводле апытання дзвюх тысяч чалавек у Вялікабрытаніі, піша Daily Mirror.
Дыяну выбралі 32% апытаных. Другое месца заняла Мэрылін Манро з 22%, трэцяе — Одры Хепбёрн з 16%. Далей ідуць Кэтрын, прынцэса Уэльская, Беёнсэ, Рыяна, Мадонна, Грэйс Келі, Джэніфер Эністан і Джэніфер Лопес.
Белую сукенку Мэрылін Манро з фільма «Сверб сёмага года» назвалі самым знакамітым уборам у гісторыі. За яе прагаласавалі 15% рэспандэнтаў.
Знакамітая чорная «сукенка помсты» прынцэсы Дыяны набрала 12%.
Сярод мужчын галоўнай іконай стылю прызналі Дэвіда Бекхэма — яго выбраў кожны пяты ўдзельнік апытання. За ім размясціліся Элвіс Прэслі і Дэвід Боўі.
Каля 90% апытаных лічаць, што знакамітасці мінулых пакаленняў апраналіся больш стыльна, чым сучасныя.
Каментары