«Аляксандр Рыгоравіч абапёрся на фартэпіяна, як оперны спявак», — падзяліўся мэтр беларускай эстрады.
Спявак Аляксандр Саладуха распавёў у эфіры тэлеканала «РТР-Беларусь», як Аляксандр Лукашэнка праспяваў разам з ім песню яго культавую песню «Чужая мілая», піша беларуская «Камсамолка».
Вядомы сваім асаблівым стаўленнем да дат і лічбаў спявак назваў дакладную дату незвычайнага дуэта — 30 верасня 1995 года. На банкеце пасля дабрачыннага канцэрта ў Мінскім тэатры музычнай камедыі прысутнічаў і Лукашэнка.
«Раптам нечакана Аляксандр Рыгоравіч кажа: «Саша, спявай візітоўку», — успамінае Саладуха, удакладняючы, што гаворка ішла пра песню «Чужая мілая». — Я крыху разгубіўся, гітары няма, а Алег Елісеенкаў (кампазітар і спявак, блізкі сябар Саладухі) з жонкай паказваюць мне вачыма на фартэпіяна, якое стаяла ў куце гэтай залы. Я кажу: няма праблем».
Калі артыст сеў за фартэпіяна «Беларусь» і адкрыў вечка над клавішамі, да яго падышоў Лукашэнка.
«Аляксандр Рыгоравіч стаў, абапёрся локцем на фартэпіяна, як оперны спявак. Там — грабавая цішыня. Члены ўрада, артысты, паэты, кампазітары. Я пачаў, прыпеў Аляксандр Рыгоравіч пачаў спяваць разам са мной, — падзяліўся ўспамінамі Саладуха. — Выканалі мы гэтую песню разам, вярнуліся да стала, і Аляксандр Рыгоравіч падняў келіх, сказаў словы: «Цяпер мне зразумела, хто павінен прадстаўляць нашу краіну далёка за яе межамі: за цябе, за твой голас, за твой талент».
Каментары