Saładucha raspavioŭ, jak Łukašenka śpiavaŭ razam ź im «Čužuju miłuju»
«Alaksandr Ryhoravič abapiorsia na fartepijana, jak opierny śpiavak», — padzialiŭsia metr biełaruskaj estrady.
Śpiavak Alaksandr Saładucha raspavioŭ u efiry telekanała «RTR-Biełaruś», jak Alaksandr Łukašenka praśpiavaŭ razam ź im pieśniu jaho kultavuju pieśniu «Čužaja miłaja», piša biełaruskaja «Kamsamołka».
Viadomy svaim asablivym staŭleńniem da dat i ličbaŭ śpiavak nazvaŭ dakładnuju datu niezvyčajnaha dueta — 30 vieraśnia 1995 hoda. Na bankiecie paśla dabračynnaha kancerta ŭ Minskim teatry muzyčnaj kamiedyi prysutničaŭ i Łukašenka.
«Raptam niečakana Alaksandr Ryhoravič kaža: «Saša, śpiavaj vizitoŭku», — uspaminaje Saładucha, udakładniajučy, što havorka išła pra pieśniu «Čužaja miłaja». — Ja krychu razhubiŭsia, hitary niama, a Aleh Jelisiejenkaŭ (kampazitar i śpiavak, blizki siabar Saładuchi) z žonkaj pakazvajuć mnie vačyma na fartepijana, jakoje stajała ŭ kucie hetaj zały. Ja kažu: niama prablem».
Kali artyst sieŭ za fartepijana «Biełaruś» i adkryŭ viečka nad kłavišami, da jaho padyšoŭ Łukašenka.
«Alaksandr Ryhoravič staŭ, abapiorsia łokciem na fartepijana, jak opierny śpiavak. Tam — hrabavaja cišynia. Členy ŭrada, artysty, paety, kampazitary. Ja pačaŭ, prypieŭ Alaksandr Ryhoravič pačaŭ śpiavać razam sa mnoj, — padzialiŭsia ŭspaminami Saładucha. — Vykanali my hetuju pieśniu razam, viarnulisia da stała, i Alaksandr Ryhoravič padniaŭ kielich, skazaŭ słovy: «Ciapier mnie zrazumieła, chto pavinien pradstaŭlać našu krainu daloka za jaje miežami: za ciabie, za tvoj hołas, za tvoj talent».
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5959
Kamientary