Гандлёвая пляцоўка Finstore.by у кастрычніку плануе правесці маштабны рэбрэндынг і пашырыць магчымасці для эмітэнтаў і інвестараў. Як паведаміў аператар пляцоўкі — ТАА «ДФС», новаўвядзенні прымеркаваныя да сямігоддзя запуску платформы, піша Office Life.
Найбольш прыкметнай знешняй зменай стане новы дызайн сайта Finstore.by. Яго плануюць зрабіць больш сучасным і зручным для навігацыі. Таксама кампанія абяцае паскорыць абнаўленне інфармацыі пра выпускі токенаў і ўпарадкаваць архіў эмісій.
Функцыянальнасць платформы таксама ўжо змяняецца. У прыватнасці, вядзецца праца над павышэннем узроўню бяспекі. Нядаўна Finstore завяршыў пераход на новы блакчэйн СОВ 2.0, а пераход на новую сістэму інтэрнэт-эквайрынгу павінен быў павысіць стабільнасць працы плацежнага сэрвісу.
Акрамя таго, была спрошчаная рэгістрацыя інвестараў з дапамогай міжбанкаўскай сістэмы ідэнтыфікацыі. Цяпер Finstore працуе над укараненнем відэаідэнтыфікацыі для праверкі кліентаў.
Афіцыйна платформа пачала працаваць 21 кастрычніка 2019 года. Паводле звестак аператара, за час яе працы на Finstore адбылося больш за 900 выпускаў токенаў. Дзякуючы гэтаму эмітэнты прыцягнулі фінансаванне больш чым на 337 мільёнаў даляраў, а інвестары атрымалі звыш 49 мільёнаў даляраў даходу.
ТАА «ДФС» зарэгістравалі ў сакавіку 2019 года. Кампанія стала рэзідэнтам Парку высокіх тэхналогій. З 2024 года яе ўладальнікам з'яўляецца кампанія «Фінтэх Інвест».
Новая мадэль Claude за 44 хвіліны ўзламала шыфр, які не маглі разгадаць 373 гады
EPAM думаў, што штучны інтэлект — гэта рэдкі шанец. Аказалася, усё складаней
Microsoft паведаміла пра маштабную кампанію расійскіх хакераў па ўзломе вайфай-сетак у гатэлях па ўсім свеце
Пайшла ў банкруцтва фірма, якая збіралася выпускаць аўтамабілі Zubr
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары