Handlovaja placoŭka Finstore.by u kastryčniku płanuje pravieści maštabny rebrendynh i pašyryć mahčymaści dla emitentaŭ i inviestaraŭ. Jak paviedamiŭ apieratar placoŭki — TAA «DFS», novaŭviadzieńni prymierkavanyja da siamihodździa zapusku płatformy, piša Office Life.
Najbolš prykmietnaj źniešniaj źmienaj stanie novy dyzajn sajta Finstore.by. Jaho płanujuć zrabić bolš sučasnym i zručnym dla navihacyi. Taksama kampanija abiacaje paskoryć abnaŭleńnie infarmacyi pra vypuski tokienaŭ i ŭparadkavać archiŭ emisij.
Funkcyjanalnaść płatformy taksama ŭžo źmianiajecca. U pryvatnaści, viadziecca praca nad pavyšeńniem uzroŭniu biaśpieki. Niadaŭna Finstore zaviaršyŭ pierachod na novy błakčejn SOV 2.0, a pierachod na novuju sistemu internet-ekvajrynhu pavinien byŭ pavysić stabilnaść pracy płaciežnaha servisu.
Akramia taho, była sproščanaja rehistracyja inviestaraŭ z dapamohaj mižbankaŭskaj sistemy identyfikacyi. Ciapier Finstore pracuje nad ukaranieńniem videaidentyfikacyi dla pravierki klijentaŭ.
Aficyjna płatforma pačała pracavać 21 kastryčnika 2019 hoda. Pavodle źviestak apieratara, za čas jaje pracy na Finstore adbyłosia bolš za 900 vypuskaŭ tokienaŭ. Dziakujučy hetamu emitenty pryciahnuli finansavańnie bolš čym na 337 miljonaŭ dalaraŭ, a inviestary atrymali zvyš 49 miljonaŭ dalaraŭ dachodu.
TAA «DFS» zarehistravali ŭ sakaviku 2019 hoda. Kampanija stała rezidentam Parku vysokich technałohij. Z 2024 hoda jaje ŭładalnikam źjaŭlajecca kampanija «Fintech Inviest».
Novaja madel Claude za 44 chviliny ŭzłamała šyfr, jaki nie mahli razhadać 373 hady
EPAM dumaŭ, što štučny intelekt — heta redki šaniec. Akazałasia, usio składaniej
Microsoft paviedamiła pra maštabnuju kampaniju rasijskich chakieraŭ pa ŭzłomie vajfaj-sietak u hatelach pa ŭsim śviecie
Pajšła ŭ bankructva firma, jakaja źbirałasia vypuskać aŭtamabili Zubr
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary