Лідары краін маюць намер папрасіць пра гэта Зяленскага падчас сустрэчы ў пятніцу ў Бруселі.
Лідары краін Еўрасаюза маюць намер папрасіць Уладзіміра Зяленскага змякчыць рыторыку ў дачыненні да Дональда Трампа, асцерагаючыся, што рэзкія заявы ўкраінскага прэзідэнта могуць яшчэ больш пагоршыць і без таго напружаныя адносіны паміж Вашынгтонам і Кіевам. Пра гэта піша Financial Times са спасылкай на трох еўрапейскіх чыноўнікаў.
Паводле звестак журналістаў, лідары краін маюць намер папрасіць пра гэта Зяленскага падчас сустрэчы ў пятніцу ў Бруселі.
«Магчыма, гэта праўда, але не заўсёды трэба гаварыць пра гэта ўголас», — сказаў адзін з чыноўнікаў. Адзначаецца, што іх пасланне будзе «спагадлівым, але цвёрдым».
Падчас папярэдніх абвастрэнняў няпростых адносін паміж Зяленскім і Трампам лідары спрабавалі падтрымаць украінскага прэзідэнта і ездзілі ў Вашынгтон, каб пераканаць амерыканскага лідара працягваць падтрымліваць свайго ўкраінскага калегу.
Вашынгтон больш не аказвае Украіне фінансавай дапамогі, а пастаўкі зброі ажыццяўляюцца толькі за кошт Кіева і яго еўрапейскіх саюзнікаў. Аднак разведвальная дзейнасць Вашынгтона мае вырашальнае значэнне для здольнасці краіны абараняцца ад атак Масквы і наносіць удары па цэлях у Расіі.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам3
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў66
Каментары
[Зрэдагавана]
Адным словам - мяса.