Lidary krain majuć namier paprasić pra heta Zialenskaha padčas sustrečy ŭ piatnicu ŭ Brusieli.
Lidary krain Jeŭrasajuza majuć namier paprasić Uładzimira Zialenskaha źmiakčyć rytoryku ŭ dačynieńni da Donalda Trampa, aścierahajučysia, što rezkija zajavy ŭkrainskaha prezidenta mohuć jašče bolš pahoršyć i biez taho napružanyja adnosiny pamiž Vašynhtonam i Kijevam. Pra heta piša Financial Times sa spasyłkaj na troch jeŭrapiejskich čynoŭnikaŭ.
Pavodle źviestak žurnalistaŭ, lidary krain majuć namier paprasić pra heta Zialenskaha padčas sustrečy ŭ piatnicu ŭ Brusieli.
«Mahčyma, heta praŭda, ale nie zaŭsiody treba havaryć pra heta ŭhołas», — skazaŭ adzin z čynoŭnikaŭ. Adznačajecca, što ich pasłańnie budzie «spahadlivym, ale ćviordym».
Padčas papiarednich abvastreńniaŭ niaprostych adnosin pamiž Zialenskim i Trampam lidary sprabavali padtrymać ukrainskaha prezidenta i jeździli ŭ Vašynhton, kab pierakanać amierykanskaha lidara praciahvać padtrymlivać svajho ŭkrainskaha kalehu.
Vašynhton bolš nie akazvaje Ukrainie finansavaj dapamohi, a pastaŭki zbroi ažyćciaŭlajucca tolki za košt Kijeva i jaho jeŭrapiejskich sajuźnikaŭ. Adnak raźviedvalnaja dziejnaść Vašynhtona maje vyrašalnaje značeńnie dla zdolnaści krainy abaraniacca ad atak Maskvy i nanosić udary pa celach u Rasii.
Ciapier čytajuć
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary
[Zredahavana]
Adnym słovam - miasa.