У інтэрнэце з’явіўся слоўнік расійска-беларускіх адпаведнікаў
Сайт adpavedniki.esy.es працуе пад дэвізам «Я за чысціню мовы».
Па адрасе adpavedniki.esy.es апублікаваны Слоўнік расійска-беларускіх адпаведнікаў Алега Мінкіна.
У левай графе слоўніка пададзеныя расійскія словы і словаспалучэнні (выслоўі, устойлівыя выразы, параўнанні ды інш.), на якіх мы найчасцей «спатыкаемся», робячы механічны пераклад з расійскай мовы, ствараючы «кальку» замест праўдзівага беларускага адпаведніка. У правай графе складальнік паспрабаваў, паводле ўласнага густу і досведу, паказаць сапраўдныя моўныя адпаведнікі.