У Нясвіжы ў пакеце ля смеццевых бакаў знайшлі труп немаўляці
Цела нованароджанага выявіў днём 2 снежня на вуліцы Маладзёжнай у Нясвіжы мясцовы жыхар.
Чорны пакет, ужо разарваны, вісеў на плоце ля смеццевых кантэйнераў. З яго тырчала дзіцячая ручка. Мабыць, нехта дастаў мяшок са смеццевага бака раней і, убачыўшы страшную знаходку, павесіў на плот.
Інфармацыю пацвердзілі ў міліцыі.
«У Нясвіжы быў знойдзены труп немаўляці. Гэта хлопчык, амаль цалкам даношаны На целе дзіцяці няма прыкмет гвалтоўнай смерці. Жыванароджаны ён ці не, усталюе экспертыза», — паведаміў намеснік начальніка Нясвіжскага РАУС Дзяніс Яфімаў.