U Niaśvižy ŭ pakiecie la śmiećcievych bakaŭ znajšli trup niemaŭlaci
Cieła novanarodžanaha vyjaviŭ dniom 2 śniežnia na vulicy Maładziožnaj u Niaśvižy miascovy žychar.
Čorny pakiet, užo razarvany, visieŭ na płocie la śmiećcievych kantejnieraŭ. Ź jaho tyrčała dziciačaja ručka. Mabyć, niechta dastaŭ miašok sa śmiećcievaha baka raniej i, ubačyŭšy strašnuju znachodku, paviesiŭ na płot.
Infarmacyju paćvierdzili ŭ milicyi.
«U Niaśvižy byŭ znojdzieny trup niemaŭlaci. Heta chłopčyk, amal całkam danošany Na ciele dziciaci niama prykmiet hvałtoŭnaj śmierci. Žyvanarodžany jon ci nie, ustaluje ekśpiertyza», — paviedamiŭ namieśnik načalnika Niaśvižskaha RAUS Dzianis Jafimaŭ.