Варачыт і Сісуліт: у камуністычным Лаосе змянілася кіраўніцтва
Змена пакаленняў адбылася ў кіраўніцтве Лаоскай Народна-Дэмакратычнай Рэспублікі.
Гэтая краіна з насельніцтвам 7 млн чалавек знаходзіцца між В'етнамам, Кітаем і Тайландам. У палітыцы яна цалкам залежыць ад В'етнама і капіюе палітычную сістэму гэтага свайго суседа.
У Лаосе захоўваецца аднапартыйная сістэма. Улада грунтуецца на ідэалогіі марксізму. Кіраўнічая партыя называецца Народна-рэвалюцыйнай.
Хуткі рост эканомікі В'етнама і Кітая даў штуршок эканамічнаму росту і ў Лаосе.
Сталіца краіны называецца В'енцьян.
Новым кіраўніком Народна-рэвалюцыйнай партыі Лаоса і прэзідэнтам краіны стаў 77-гадовы Буннянг Варачыт, які раней займаў пасаду віцэ-прэзідэнта. Новым прэм'ер-міністрам стаў Тханглун Сісуліт.