Varačyt i Sisulit: u kamunistyčnym Łaosie źmianiłasia kiraŭnictva
Źmiena pakaleńniaŭ adbyłasia ŭ kiraŭnictvie Łaoskaj Narodna-Demakratyčnaj Respubliki.
Hetaja kraina z nasielnictvam 7 młn čałaviek znachodzicca miž Vjetnamam, Kitajem i Tajłandam. U palitycy jana całkam zaležyć ad Vjetnama i kapijuje palityčnuju sistemu hetaha svajho susieda.
U Łaosie zachoŭvajecca adnapartyjnaja sistema. Ułada hruntujecca na ideałohii marksizmu. Kiraŭničaja partyja nazyvajecca Narodna-revalucyjnaj.
Chutki rost ekanomiki Vjetnama i Kitaja daŭ šturšok ekanamičnamu rostu i ŭ Łaosie.
Stalica krainy nazyvajecca Vjenćjan.
Novym kiraŭnikom Narodna-revalucyjnaj partyi Łaosa i prezidentam krainy staŭ 77-hadovy Buńnianh Varačyt, jaki raniej zajmaŭ pasadu vice-prezidenta. Novym premjer-ministram staŭ Tchanhłun Sisulit.