Знайшлося сведчанне, што ў XVII стагоддзі ў Маскве трымалі перакладчыкаў з беларускай
Уладзімір Палівач апублікаваў у сваім фэйсбуку копію штатнага расклада Пасольскага прыказу (так тады называлася Міністэрства замежных справаў) Маскоўскага царства.
У пераліку, як бачым, называецца і перакладчык з беларускай мовы.
Беларусцамі ў Маскоўскай дзяржаве называлі жыхароў усходняй Беларусі, пераважна Смаленшчыны і Віцебшчыны.